Apostolmi 17:23 - Sumi Naga CL (Re-edited) Bible (BSI)

²³ Kughengu I no iqhoiqi nongu julho kümllaqo jukelo, akiptia lakhi lo ishi yepüa keu ithulue: ‘Ithikümla lhou lau.’ Tighenguno nongu no ithi mono mlla chekeu hu I no nongu lau sheshu ani.

BAIBEL (BSI)

²³ Kughengu ino iqho-iqi puzu nonguno chini chekeu-a jukelo ashikimthe kipti-a lakhilo ishi yepuku puakeu ino ithulue. ‘Ithiwo tomlakeu Lhou salla.’ Tishiaye, ti khikhi nonguno mlla cheni kemu, nonguno mthano acheni keno, nongu vilo tihu ino asheshu ani.

Sümi Tiqhelimi Bible

²³ Kughengu I no iqho-iqi püzü nongu no mülá akeu julhoqo ju kelo akümlá-khache-a lakhi lo ye ishi yèpukupüa ghí keu I no ithulue: Aju kümthau Lhou Lau. Nongu no mülá acheni kemu nongu ye mtha no acheni tighenguno I no nongu vilo hipau ghili asheshu niye anie.

Apostolmi 17:23 Iomraidhean Croise

LESHELE 147:20

Pa ye khuno shiye mu sasü hitoi shipüamoe; panongu ye Paw pimheyeqo mthae. Ampeu sheqhelo!

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

ISAIAH 45:4

I qeu Jacob, Iw kishekiphe Israel ghenguno I no o je shuphe no o kulue, nono I mtha namu I no o je kutsü ke.

MATTHEW 15:9

Panongu ye abokümsa I mlla, timi no mlakeu yezah pesü Alhou yezah toi shika cheni.’”

John 17:25

O amikucho Papu, ayeghiqha no O mtha namu I no No ithi ani, eno Nono I puwu kepi hipaqo no ithi ani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 4:22

Nongu no kiu mlla cheni keno nongu ye mthae, ikemu ningu ye nino mlla chekeu ithi ani, kughengu xakulupu ye Jewmi launo ke.

John 8:54

Jisü no khochile, “I no I jekipipu shi aye I jekipi ye kiumu kumoe, Ikemu nongu no, ‘Pa ye ni Lhou’ ipiche keu I Pu huno I je pipitsü cheni.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

1 Kor. 8:5

Kughengu atsütsü momu ayeghi lo alhouqo ipiche keqo aghi namu—le kuchou loye “alhou” eno “ampeu” kutomo akhanie—

Ephesiami 2:12

tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.