Apostolmi 17:11 - Sumi Naga CL (Re-edited) Bible (BSI)

¹¹ Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

BAIBEL (BSI)

¹¹ Judami tile aghikeqoye Thesalonia lo akeqo nguno inapugha kotha- lethakeu kuha. Panonguno khekulhoshi atsa hu ikhilutsu, eno Paul ngo Sila pama no pikeu tsaqo hu kuchou kemo kelaye tsalakipetsu kuchoyesu phukide kudajue.

Sümi Tiqhelimi Bible

¹¹ Jewmi Berea lo achekeqo ye Thessalonica lo Jewmi akemiqo nguno akükümsü qhaqhilei ke, kughengu panongu no ighono khekulhoshi akükütsü sütsa ikhilu tsü eno Paul no pikeu tsaqo hu kuchou kemo keno tsalà kipetsü Kuchoyesü phukideküdaju ae.

Apostolmi 17:11 Iomraidhean Croise

JOB 23:12

Ni ye Pa no piqhikeu zakütsü qhive mphi; Pa no pikeu tsa no I chuqupu nguno akughupu shicheni.

LESHELE 119:100

Layemi nguno ni ye vethakulu alau ani, kughengu I no O zakütsüqo pape cheni.

LESHELE 119:148

I nhethi miyi mono puthotsü ngoe; tishino I no O shoqhi lo kümsüputho niye shike.

LESHELE 119:97

O ni ye O yezah kishita kimiye kelae! Ti ye atsala kupuju I no kümsüputho achekeu ke.

AHOLE 1:5

Alokütsümi no chilu no akighithi kughuko lulo eno vethakulumi no aküxü laghi kichekütsü ithilulo,

AHOLE 8:10

Ghükayi züqhulo I kükütsü lulo, eno ameshoyi akiviu nguno akighithiu kishelu lo,

AHOLE 9:9

Akükütsütsa pesü alokütsümi tsülo, pa ye alotsü kithe nani; amikuchomi shikalo, pa ye alau ithiküphave nani.

ISAIAH 34:16

Ampeuw kaku phu no phijulo: Lhoxü hipaqo lakhimu pühavemo; momu atüna kühave monani. Kughengu Ampeu no azah tsüno Pa Ghungu no tipaqo hekütsü ke.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

JEREMIYA 2:21

Tishimu akighiche tsaibo, qhoi tsüghükhüi keu piti toi I no o shosü ke. Imaye kishino no ye tsüuve no aghalo tsaibo shive kea?

MATTHEW 13:23

Ayeghi kivi lo vesülu keu piti ye Atsa chilu no ithikuthulu keu timi ke. Pa ye kuchou no athi pithi cheni, eno xokütsü kelo hami no aqhe piqi ithulu cheni, hami no lhotsügho, eno hami no shighi.”

Luke 1:2

ti ye hukuthu lono thopimi eno Atsa sheshumi no ningu lau pikiye süghitsü keu pasü lono ke.

Luke 11:3

Tsalakipe chuqupu ni tsülo,

Luke 16:29

Ikemu Abraham no pi, ‘Panongu ye Moses ngo Tungkupmi kaku ani; pano pelo tipaqo tsa chilu pelo.’

Luke 24:44

Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

John 3:21

Ikemu khukhumu kuchou shi chekemi no aküvü lo ighi cheni, tishianguno pa kümla ye Alhou pulou lono mla püanie pi mtsümishei ithulu cheni.

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

Apostolmi 10:33

Ikehu I no mtazü o kupuwu kelo nono ighi tsüke alovae. Tighenguno itehi Ampeu no o vilo kiu pilo pi azah tsü keno thokha chiluni ke ningu kümtsü Alhou zülo anie.”

Apostolmi 11:1

Judea qhalo apostolmi ngo athiküzümi akeqo no Jewkumomi ghi Alhou tsa ikhiluvae pi chilu.

Apostolmi 17:1

Paul ngo Silas no Amphipolis ngo Apollonia hechesü Thessalonica lo ighi, tile Jewmi sinagog ae.

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

ZAKINIU 29:29

“Tuqhou thimeqo ye Ampeu ni Lhouw ke, ikemu thime pephe piyeve keqo no alhokupuju ningu eno ni tianuliqo salae, tishianguno ningu pelo Ayezah hipau lo akeu thokha shipeniye ke.

1 Thes. 1:6

Nongu no ningu eno Ampeu kimihi shike, kughengu nongu no aghime kitikhi lono Aghungu Kimthe lokivi pesü atsakiviu ikhilu,

1 Thes. 2:13

Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

2 Thes. 2:10

eno kixikila pishikiqhi jeli pesü pühave niye akemi pishiqhi nani, kughengu panongu no kuchou kimiye no xaluve peni keu milive ke.

James 1:21

Tighenguno aphikümqhüpu eno küsakügha kümtsü peve no ivünhei shi xusü püakeu tsa khikhi nongu ngulho xalu nani keno, ti ikhilulo.

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,