Apostolmi 16:34 - Sumi Naga CL (Re-edited) Bible (BSI)

³⁴ Tishino pa no pama sasü pa kilo wuno kuchu-kusho kutope tsü. Eno Alhou pülü luveke ghenguno pa no akibolomi kümtsü sasü alovi.

BAIBEL (BSI)

³⁴ Tishi puzu pano Paul ngo Sila pama sasu pa kilo wu eno kuchukusho kutope pama tsu. Pano Alhou lau pulubeluve kehu pa kibolomi kumtsu sasu pano alokivishive.

Sümi Tiqhelimi Bible

³⁴ Akughuki jukükütsüu no pama sasü pa ki lo ighi eno pama ghenguno alibe kutotsü; pa ye alokivi no chhitoive kughengu pa eno pa kibolomi kümtsü Alhou shou pülübeluve ke.

Apostolmi 16:34 Iomraidhean Croise

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

Luke 15:32

O thiküzüu hipau ye thive kemu xüluvae; pa ye pühave no phuluvae, tighenguno aghulhu shi alovi akeu ye achipie.’”

Luke 19:6

Pa no mtazü iqighi no alokivi shi Jisü ikhilu.

Luke 5:29

Tithiu Levi no pa ki lono Jisü ghenguno aghulhu kije kutotsü, eno tile zame küqhami ngo timi kütami ghi kutomo pano gholo chunike iqa ae.

Apostolmi 11:14

pa no o vilo atsape sheshu nani eno tipa vecheo no eno o kibolomi kümtsü xaluve nani.’

Apostolmi 16:15

Kughou li no abolomi sasü baptiz shiluve keno, li no ningu kusü no pi, “Nongu no ni ye Ampeu pükhükulupu shivae pi xathalu aghi aye, ighi no I kilo ngolo.” Li no ningu pütsaqhi luve.

Apostolmi 16:35

Ikemu atsala ipeghive kethiu xaküthami no ghüshimi puwu no pi, “Timi hupaqo puwuve lo.”

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

Apostolmi 8:39

Kughou pama no azü lono ipeghi keno, Ampeu Ghungu no Philip sawuve, eno shoko huye pa ithumlave kemu alokivi shi cheve.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

FILIPIAMI 4:4

Alhokuthu Ampeu lono alovilo, I no itaghi pini: alovilo!

Philemon 1:7

I thiküzüu, ni ye o kikimiye lono alokivi eno alokughuno shishe ithuluvae kughengu o vecheo küpülümi ghüthi püxü tsüke.

1 John 3:18

Atianuliqo, ningu atsapi lo likhino shimoni, ikemu akümla eno kuchou lono kikimiye piyeni nolo.