Apostolmi 16:27 - Sumi Naga CL (Re-edited) Bible (BSI)

²⁷ Kughou akheu no idathu akughuki hukikhaqo khaqhi püaghi keu ithulu keno, pa ye akughumi pokhavae pi kümsüve no pa zütakikihi süjope pa ampi pithive niye shive.

BAIBEL (BSI)

²⁷ Akughuki kheu atouno ida ithughi kelo akughuki hukikha khaqhi puaghi keu ithulu eno akughumiqo pokhavea kughashi kumsuveno pazuta sujope pa likhi pa pithiveniye kutove.

Sümi Tiqhelimi Bible

²⁷ Akughuki jukükütsüu no idaithughi, eno kughou akughumi hukikhaqo khaqhive aghí keu pa no ithulu keno pa ye akughumi kümtsü pokajovea küghashi kümsüve püzü pa kihizüta pesü pa likhi pa ghiqhive niye kutove.

Apostolmi 16:27 Iomraidhean Croise

SAMUEL AKINIU 17:23

Kughou Ahithophel no pa kükümsü lumokeu ithive keno, pa no paw khurha lo ikuve no pa ghüna lo wove. Pa no pa ki hekütsüve no pa likhi pa tshüqhi pithive, eno pa ye papu kumoki lo shiqhove.

KUKAMI ATUGHIU 16:18

Kughou Zimri no aphughi lewo chekeu ithulu keno, pa no posü kükaki alou sükusho-a lo ilo ami süve no pa ghi ami lono pitiqhive.

MATTHEW 27:5

Judas no ghükayi pesü achineki lo vesüve tsüno ipeve, eno pa ye wuno pa likhi pa tshüqhi pithive.

Apostolmi 12:19

Kughou Herod no Peter phuju püzü phumlave keno, pa no aghukhemi kighiniju no panoqo pithive penike azah tsüve. Tithiu Herod ye Judea lono Caesarea lo iqive eno tilau ache.

Apostolmi 16:28

Ikemu Paul no ighamku pi, “O ghüza kevilo, ningu kümtsü hila aphie.”

Apostolmi 16:36

Akheu no hipa tsa Paul vilo pi, “Xaküthami no nokujo puwuve lo pivae. Tighenguno nokujo ye ipeghi no aloino wolo.”

XAKUTHAMI 9:54

Tipa mtsa pa no pa züta-angu kipeu apumi kuno pi, “O zütakikihi pesü I ghiqhive lo, tikumo aye panongu no ishi I ghili kügha cheniae, ‘Topumi no pa pithive ke.’” Kuchono apuu huno pa jipilive no pithive.