Apostolmi 16:25 - Sumi Naga CL (Re-edited) Bible (BSI)

²⁵ Zübumta lo Paul ngo Silas pama no Alhou lau akighini shi ale phe akelo akughumi kütami no inia,

BAIBEL (BSI)

²⁵ Ikemu zubumtalo Paul ngo Sila pamaye Alhou lau akighini shi, ale phe eno akughumi kutamino pama tsa ini ae.

Sümi Tiqhelimi Bible

²⁵ Putho-mta ghuloki lo Paul ngò Silas pama ye akighini shi eno akishé le phe ghi Alhou sheqhea, eno akughumi kütamiqo no pama tsa ini ae.

Apostolmi 16:25 Iomraidhean Croise

JOB 35:10

Ikemu khunomu ishi pi chemoe, ‘I lhokeu Lhou, putho lo alovilupe chekeu ye khile ani kea?

LESHELE 119:55

Putho lo I no O je kümsülu cheni, O Ampeu, eno O yezah pape cheni.

LESHELE 119:62

O mikucho pimheye ghenguno I no zübumta lo ghi idathughi no O sheqhe cheni.

LESHELE 22:2

O I Lhou, I no puchou no ighamku kemu Nono I khochile moe, I no putho lono ighamku kemu ni ye akulhoqhi mlae.

LESHELE 34:1

Ado kümtsü lo I no Ampeu sheqheni; I kichi lo Pa sheqhe keu ye taveni chemoe.

LESHELE 42:8

Puchou no Ampeu no Paw iqemokeu kikimiye piye, putho lono Pa le no I lolo ae, I küxü Lhou lau akighini shie.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 71:7

Timi kutomo zülo I küxü no kichekipiye shivae, No ye I no ijekulupu liwo ke.

LESHELE 77:2

I veküsa tsala lo I no Ampeu phuwue; I no qeive mono puthotsü I u sükhope inikhue; I ngulho no alokughuno shinike mili auve.

LESHELE 77:6

I no pi, “Putho lo I pelo I le kümsülu pelo; I pelo I mlo lono kümsüputho pelo.” Tileno I ghungu no aghüthi küxü shi phujue:

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

ISAIAH 30:29

Akimthe tiqhetini ikhiluke ji lo toi nongu no alovi ale phe nani, eno milakhi no Ampeuw naghuto lo, Israel Tuqu lau fulili ighasü iqho cheke toi, nongu no amlo qiqhiyi nani.

ZEKHARIA 3:8

Hi inilo, O achinetou Joshua, no eno o küsami o zülo iqa akeqo ye amchipu timiqo ke: julo, I no I qeu Aloka hu süghi nani.

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

Apostolmi 15:22

Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 16:19

Ikemu kughou li mpemi no panow ilokighi la kühave keu ithive keno, panongu no Paul ngo Silas pama küghape mishi-a lo yepemi zülo sünhe saghi.

Apostolmi 16:33

Eno tipaji atüqhüdo tipau lono pa no pama sawo pama philo azaku qhuve tsü, pa eno pa kibolomi kümtsü baptiz shiluve.

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 5:3

Tinguno alau niw shiluküsa lo ghi ningu ye aloviqhiyi acheni, kughengu nino ithi akeu no shiluküsa huno kheakulu iqiphe cheni,

2 Kor. 6:10

amloime ketoi anamu alhokuthu alovi cheni; kumlhomi toi anamu timi kutomo pesü kinimi shitsü cheni; kiumu küha ketoi keghi thokha kümtsü acheni.

Ephesiami 5:19

lakhino lakhi lau leshele, Alhou kishele, aghungulo le phepe ahupite kilelo, nongu mlo kuchopu tsüno Ampeu lau alejo phelo.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

James 5:13

Nongu gholo khuana no shilusa anio? Pa ye inikhu lo. Khuana no alovi ani keshea? Pa ye shekiqhe le phelo.

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.