Apostolmi 14:26 - Sumi Naga CL (Re-edited) Bible (BSI)

²⁶ Tileno pama ye ashuka lono Antioch, khileno pama pesü akümla itehi shiqhilu keu mlawu peniye Alhouw küpükini lo kulhuqhi tsü keno, tilau wuve.

BAIBEL (BSI)

²⁶ Tilauno panonguye ashukaki lono Antiok lo cheve, eno tipa-a lono panongu pesu Alhou wu kupukini lau kulhuqhipuku puzu panonguno tipau kumla shikupuno ighilu akeu-ake.

Sümi Tiqhelimi Bible

²⁶ Attalia lono pama ye ashuka lono Antioch lo idewove, tile no pama kümlà mülaqhiluve keu ghenguno Alhou’w küpükini lo kulhuqhive tsülu.

Apostolmi 14:26 Iomraidhean Croise

Apostolmi 11:19

Stephen pithive kelono kijipüsa thuve kehu Phoenicia, Cyprus, eno Antioch kutolo apanagha pove keqo no atsa pesü kütami vilo pimono Jewmi vilo likhi pie.

Apostolmi 11:20

Ikemu panongu gholo Cyprus ngo Cyrene timi khami no Antioch lo ighi no Ampeu Jisü ghili pesü Greekmi vilo ghi sheshu.

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 11:26

eno kughou pa no phulu keno, pa sasü Antioch lo ighi. Ampe kupuju pama no akukuhomi sasü kuposhu no timi kütsasa shika. Antioch lono atüghüshi akhopemi pesü Khristomi ipi kulue.

Apostolmi 11:27

Tipa ghuloki lo tungkupmi khami Jerusalem lono Antioch lo ighi.

Apostolmi 14:19

Ikemu Antioch ngo Iconium lono Jewmi ighi, eno aqokitikhi xukutho pe atu pesü Paul veqhive no thiva küghashi aphughi khalau sünhe pheve.

Apostolmi 14:21

Kughou pama no mishighüna tipau lo atsakiviu pesü kütsü no akhopemi kutomo shiluve keno, pama ye xachilesü Lystra, Iconium eno Antioch lo idewove.

Apostolmi 14:23

Pama no akukuhou kümtsü lo layemi kisheve tsü kethiu, akighini eno kümvü keu lono panongu pesü pano no pülüluve keu Mpeu lau kulhuqhi tsü.

Apostolmi 15:22

Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 15:30

Panongu puwuve kethiu, panongu no Antioch lo wuno küpülümi kukumqo no yesü tsüve.

Apostolmi 15:40

Eno küpülümi no Ampeuw küpükini lo ikhiphe tsüke toi, Paul no Silas kisheluve no cheve.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

Galatiami 2:11

Kughou Cephas no Antioch lo ighi keno I no pa gi theno sakiyi, kughengu pa ye pimiveke.

Kolosiami 1:25

khipau ghenguno Alhou no I pelo nongu lau Alhou tsa kupukülai pikülha penike I pesü aqemi shi süsüe,

Kolosiami 1:28

Ningu no Khristo pesü sheshu cheni, kümtsü kütüghü eno shika cheni, tishianguno kümtsü pelo Khristo lau tekhoilu peniye ke.

Kolosiami 4:17

Archippus vilo pilo, “Akümlapu khikhi Ampeu launo ithulu keno no ye shikupu tsü masae.”

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.