Biblia Todo Logo
Bìoball air-loidhne

- Sanasan -




Apostolmi 14:17 - Sumi Naga CL (Re-edited) Bible (BSI)

17 Ikeghi Pa ye thopimi qhimoke kumoe, kughengu Pa no akümla kivi hitoi shi püani: atsütsü lono tsütsüghu piqitsü; atusho kiqi lono axa jeli nongu tsü; achuqupu ngo alokivi pesü nongu mlo piqi tsüke.”

Faic an caibideil Dèan lethbhreac

BAIBEL (BSI)

17 tishimu paye aniepikeu shepe timiqo lau qhitsumoke kumoe. Pano kimiyekeu hitoi shi pephepiye: atsutsu lono tsutsughu piqi tsu eno atusho kiqi lono axa jeli nongu tsu; pano achuqupu nongu tsuke eno pano alokivi pesu nongu mlo piqi tsue.”

Faic an caibideil Dèan lethbhreac

Sümi Tiqhelimi Bible

17 Tishimu pa ye xüani ipikeu ashepe qhitsümo keu shimoe: Pa no küpüqhiyi keu pìye akeu michi atsütsǘ lono tsütsüghu eno atusho kiqi lono axa jeli nongu tsü; pa no achuqupu kutomo nongu tsü eno alokivi pesü nongu mlo vepiqi tsüe.”

Faic an caibideil Dèan lethbhreac




Apostolmi 14:17
35 Iomraidhean Croise  

Atsala kutomo thiu ampe aküthüu lono Ampeu no Elijah vilo pi, “Ahab zülo wulo eno I no tsütsüghu puwu tsüni.”


Panongu no aliwo kuptu phughiqo, aghüma yeghi, thime kivi akeu kiqo, azükikhe chhu püakeu, atsailu, olive ghutu, axathibo kupukuno shi akeqo kümtsü hakholu. Panongu no aghapiqi chu no O kivi lo alopiqilu.


Kughengu Pa no tsütsüghu puwu no timi loji cheni; eno pofushi achuqupu tsücheni.


Kughengu Pa no mürasü vilo, ‘Ayeghi lo iqighilo’ picheni, titoi tsütsüghu vilo ghi tsüqhu-tsüghulo picheni.


Pa no ayeghi lo tsüghuqhitsü eno aluza lo azü puwutsü cheni;


Ampeu ye kümtsü lau aloe, Paw kimiyekini ye Pa no lhokeu kümtsü shou ani.


Timi no athi ngo atsaizü kupukuno shi akeu nguno alau Nono I mlo lo alokivi sütsüe.


O akumtou, kushiye alhoksa lono qheza cheni kea? Alhouw iqemokeu kikimiye ye atsala kupuju acheni.


Ikeghi julo, nongu no alokivi eno ahukülü shi amishi ngo ambe heqhichu eno atsaiji shove no pi, “Ningu chushoni nolo, kughengu thoghiu ningu ye thiveni ake.”


Nongu ye mtha eno chimla keo? Inahuu ayeghi boqha ghüke lono nongu vilo pimo eno vethamla keshea?


I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.


Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.


Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’


I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.


“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.


I no ado achipi lono tsütsüghu nongu tsü nani, ayeghi lo tüxatini ikowolu nani, eno asüboqo no axathi pithi nani.


tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.


Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.


Atsa hipaqo pive namu aqokitikhi no akümllagho pama tsüniye akeu lakha mlave.


Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,


Pa no nongu yeghi ghenguno atusho kiqi lono, tixi eno ghixu tsütsüghu tsü nani, tishianguno nongu no athi, atsaizü eno thazü ililai ithulu nani,


Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.


Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.


Lean sinn:

Sanasan


Sanasan