Apostolmi 13:25 - Sumi Naga CL (Re-edited) Bible (BSI)

²⁵ John no pa kümlapu ashe touve kelo ishi pi, ‘Nongu ye ni ye khuue picheni kea? Ni ye pa kumoe. Moe, I thiu chekeu, khuu pukhukuqho mu ni ye kuqho küzüpu kumo keno, pa jualo.’

BAIBEL (BSI)

²⁵ Kughou pa puwukeu kumlapu saje ashe toni chekelo Johan no timiqo vilo pi, ‘Nonguye nipesu khuu ipi cheni kya? Niye nonguno khe- akeu hu kumoe. Ikemu hi jualo, milakhi ithiuno ighi nani, eno niye pa pukhukuqho xaqhitsu nikeu ghi akuzupu kumoe.’

Sümi Tiqhelimi Bible

²⁵ Pa kümlapù ashetove niye akelo, John no pi, ‘Niye khuu ipi nongu ye kümsü ani kea? Ni ye nongu no khe achekeu hu kumoe. Ikemu timi lakhi I thiu ighi nani, ni ye pa pukhukuqhomu kuqho nike aküzüpu kumoe.’

Apostolmi 13:25 Iomraidhean Croise

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

Mark 1:7

Pa no ishi kütsü, “I thiu khuu cheni keno, pa ye I nguno akumtou kehu ni ye itsaqi no pa pukhukuqho kighi mu kuqho küzüpu kumoe.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 1:34

I no ithulu no nongu vilo ashepe shitsü anike hi no Alhou Nue.”

John 1:36

Jisü cheghi keu ithulu no pi, “Julo, Alhouw Ambeti!”

John 4:34

Jisü no panoqo vilo pi, “I chuqupu ye khuu no I puwu keno Pa pulou shini keu eno Pa kümla shiqhive tsüni keue.

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

Apostolmi 13:36

Kughengu David ye paw tiqheli lo Alhou kimji kupuve kethiu, pa puasüqo gholo zühuve no tsümave,

Apostolmi 19:4

Paul no pi, “John baptizkishi ye timiqo vilo milakhi pa thiu chekeu, ti ye Jisü, shou pülübe lo pikeu, axine lono xaidekeu baptizkishi ke.”

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

2 Kor. 4:5

Kughengu ningu ye ningu ampi sheshu chenike kumoe ikemu Jisü Khristo ye Ampeu kepi sheshu cheni eno Jisü ghenguno nongu qemi shi acheni.

2 Tim. 4:7

Ni ye aghükishi kivi shivae, ni ye akupo lo ashe tovae, ni ye aküpülü pewo tovae.

Piyeküsü 11:7

Kughou pama no ashepe shikhaveni keno, akuthoku lono ipeghi keu tüghashi huno pama sasü aghüshi thuve nani eno pama theqhive no pithive nani,