Apostolmi 13:23 - Sumi Naga CL (Re-edited) Bible (BSI)

²³ Alhou no piqhi püake toi David lagha lono Israelmi ghenguno Xakuluu Jisü saghi ke.

BAIBEL (BSI)

²³ Alhou no piqhi puakeu toi David lagha lono Israilmi ghenguno xachilekuluu lakhi ipeghi pe, eno tiye Jisu ke.

Sümi Tiqhelimi Bible

²³ “Alhou no tushoqhi püakeu toi, timi hipau tikughuko lono xakuluu Jisü Israelmi lau süghitsü ani.

Apostolmi 13:23 Iomraidhean Croise

SAMUEL AKINIU 7:12

Kughou o tsala tove no nono o puasüqo gholo züuveni keno, I no o shelo o polo kughuko o phi lono ighikeu saputhu nani, eno I no pa kükaqha puthuphe tsü nani.

LESHELE 132:11

Ampeu no David lau thebei ashoqhi shike Pa ye tipau lono tsüghüve monani: “O nuliqo dolo lakhi I no o kükalakhü lo puku nani.

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

ISAIAH 43:11

I likhi no Ampeu ke, I nguno xakuluu kütau kühae.

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

ISAIAH 7:13

Ikehu Isaiah no pi, “Tishiaye inilo, O David laghami! Nono timi züpüzüve keghi kiumu ithimo kehu no ye I Lhou ghi züpüzüveni keshea?

JEREMIYA 30:9

Ikemu panongu ye Ampeu pano Lhou, eno pano kükau David, I no pano ghenguno saputhu niye akeu huthu nani.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MATTHEW 1:1

Jisü Khristo, David nu, Abraham nu, puasüqo laghaphi kaku.

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 21:9

Jisü züu eno pa thiu aqokitikhi chekeqo no ighamku, “David Nu Sheqhelo! Khuu no Ampeu je lono cheni keno Alhou no pa kümgha tsülo! Kungugha lono Alhou sheqhelo!”

MATTHEW 22:42

“Nongu ye Messiah vehulo kiu kümsü cheni kea? Pa ye khuu nu kea?” Panongu no pi, “Pa ye David nue.”

Luke 1:69

Pa no ni ghenguno Pa qeu David lagha lono timiqo xaluni keu kibo süqheve tsüae,

John 4:42

Panongu no atotiu vilo pi, “Nono pike ghengu likhino ningu ye pülü anike kumovae, kughengu ningu ampi no pa no pikeu chiluvae, eno kuchou no Pa ye ayeghilomi Xakuluu kepi nino ithivae.”

John 7:42

Khristo ye David lagha lono ighi nani eno David no achekeu phu Bethlehem lono ighi nanie pi Kuchoyesü lo pi püamo keshea?”

Apostolmi 13:32

Eno Alhou no apuasüqo lau piqhi keu tsakiviu ningu no nongu lau süghi ani,

Apostolmi 2:30

Pa ye tungkupmi, eno pa lagha lo milakhi no pa kükalakhü lo ngo nanie pi Alhou no tushoqhi keu pa no ithi akehu,

Apostolmi 3:26

Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

Rommi 1:3

Pa Nu, khuu timi lhoaye gholau no pini aye David polo kughukomi

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

Titus 1:4

Aqü küpülü kiqi lono I nu kuchou shi chekeu Titus lau: Apu Alhou eno ni Xakuluu Jisü Khristow küpükini eno aloino keu tsü ani.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

2 Peter 1:11

Kughengu hitoi shikeu lono nongu pelo ni Mpeu eno Xakuluu Jisü Khristow lhokta yekipe lo ilolu penike nongu ghenguno akulaghi ililai shi khaqhitsü nani.

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”