Apostolmi 13:22 - Sumi Naga CL (Re-edited) Bible (BSI)

²² Pa no Saul ikhive kethiu David pesü akükau shipenike süqhe, eno ishi pa shepe shitsü, ‘I pulou kümtsü shitsüni keu, I mlo kuchuu I no Jesse nu David phuluvae.’

BAIBEL (BSI)

²² Alhou no pa ikhive kethiu, David xaqhe pesu panongu kukau shipe. Alhou no David ghili ishi ashepe shi, ‘Ino Jese nu David phuluvae, paye imlo kuchumi eno pano igho ipulou kumtsu shi nani.’

Sümi Tiqhelimi Bible

²² Saul ikhive kethiu, pa no David pesü panongu kükau shitsü. Alhou no David ghili hitoi ashepe shitsüe: ‘I no Jesse nu David phuluvae, pa ye I mlo kuchuu ke; I no shipe nishi akeu kümtsü pa no shi nanie.’

Apostolmi 13:22 Iomraidhean Croise

SAMUEL AKINIU 2:4

Judah timi no ighi eno tilau panongu no David pesü Judah shiaye shou akükau shi nukisheve. Kughou panongu no David vilo, “Jabesh-gilead lo timiqo no Saul kumo shiqhovae,” ipi keno,

SAMUEL AKINIU 7:15

ikemu I no pa zülono Saul launo Iw iqemokeu kikimiye süwuve keshi Ni ye pa launo süwuve monani.

SAMUEL AKINIU 7:8

Ikehu, itehi no ye I qeu David vilo pilo, ‘Aqokitikhi Mpeu no ishi piani, Atsüni kümtsha-a lo ambe pape cheke lono I no no ikhiphepe o pelo Iw timi Israelmi shou sakipheu shipe.

KUKAMI ATUGHIU 15:3

Pa sü David toimo no pa pu toi axine kümla kümtsü pa no shi, eno pa mlo kuchopu pesü Ampeu pa Lhou tsümoe.

KUKAMI ATUGHIU 15:5

kughengu David ye pa küxü tivilo Ampeu zülo achipiu likhi shi, eno Hittimi Uriah vehu lo kumo aye Pa no azah tsükeu hebidemoe.

YEKIKITHI ATUGHIU 10:13

Saul ye Ampeu lau pükhübe move kehu thive. Pa ye Ampeu lau pa küpülü kubove no Ampeu no azah tsükeu pemove, eno alaghi kichetsü peniye tuumi lau wuve.

YEKIKITHI ATUGHIU 2:12

Obed eno Jesse.

LESHELE 2:6

“I kimthe toghi Zion lo I no I ghenguno Akükau süsüvae.”

JEREMIYA 33:21

I qeu David sasü, eno Levi chinemi I zülo hukuthumi sasü I no puloshoqhi shi püakeu ghi hepho luve nani, tishianguno David ye pa kükalakhü lo ayepeni kemi kühave nani.

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

EZEKEL 34:23

I no panoqo shou ambekheu lakhi, I qeu David, qhinani eno panoqo mbekheu shive nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

Apostolmi 13:36

Kughengu David ye paw tiqheli lo Alhou kimji kupuve kethiu, pa puasüqo gholo zühuve no tsümave,

Apostolmi 15:8

Timi mlo ithi akeu Lhou no ningu lau mlake toi, Aghungu kimthe panongu tsükeu vecheo panongu lau thopi shi,

Apostolmi 7:46

David no Alhou lopu shi, eno Jacob Lhou ghenguno aki mlatsü nike inijue.

SAMUEL ATUGHIU 12:25

Ikemu nongu no itaghi küsakügha shi aye, nongu eno nongu kükau kümtsü joleve nani.”

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.

SAMUEL ATUGHIU 15:23

Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”

SAMUEL ATUGHIU 15:26

Samuel no pi, “Ni ye o gholo idewo moae. Kughengu nono Ampeu tsa milivae, eno Pa ghi nono Israel kükau shi akeu milivae.”

SAMUEL ATUGHIU 15:28

Samuel no pa vilo pi, “Ishi no Ampeu no Israel kükaqha o launo kubove tsüae eno Pa no tipau pesü o kisüghüu lakhi o nguno akiviu tsüvae.

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”

SAMUEL ATUGHIU 16:13

Ikehu Samuel no pa kibo lono thazü ikhiphe no amunoqo küa lono pa nukisheve. Tileno Ampeu Ghungu no tipa tsala lono David shou ikughive. Tishino Samuel ye Ramah lo idewove.

SAMUEL ATUGHIU 28:16

Samuel no pi, “Imaye Ampeu no o launo tsüghüve no o ghümi shive aye kushiye I vilo ighiju ani kea?

SAMUEL ATUGHIU 31:6

Hitoi Saul ngo pa nuli küthü ye thive, eno pa ghünanu kupuu ngo paw timi kümtsü atsala lakhi lono thikhave.