Apostolmi 12:4 - Sumi Naga CL (Re-edited) Bible (BSI)

⁴ Pa no Peter küghape akughu shive, eno Hechekulu Ghulhu thiu no timiqo zülo pepheni ke ghüshimi amqo bididi no kiphino pa khepe.

BAIBEL (BSI)

⁴ Pitor kughaluveno akughukilo suve, eno ghushimi bidi-dino amqo bidi shi qhipuzu aghukhe shighi khepenikeu shive. Hechekulu Ghulhu thiuno Herod ye timi aqha zulono Pitor shou atsa kughanikeu shiae.

Sümi Tiqhelimi Bible

⁴ Peter küghaluve kethiu Herod no pa pesü akughuki lo sǘve, eno ghüshimi bidi-di no amqo bidí shi no aghükheu shipe nike picheve. Herod ye Hechekulu ghulhu thiu timi aqha zülo no Peter shou atsa kügha nikeu shie.

Apostolmi 12:4 Iomraidhean Croise

ESTHER 3:13

Yesüqo ye aghinimi launo akükau ghakhuqo lo puwu, eno atsala lakhi lono, ti ye aqhi chighiakiniu, Adar qhi, atsala chighiaküthüu lono Jewmi, kichimi itimi, totimi eno anuli, kümtsü kütsave, pithive eno püghave penike, eno panow thime kiviqo xule luve penike azah tsüpuwu.

IPEKULU 12:1

Egypt lo Ampeu no Moses ngo Aaron vilo pi,

AHOLE 19:21

Timi lolo akukughu kutomo shipeqhi cheni, ikemu ashekha loye Ampeu kimji likhino puthugholu nani.

AHOLE 27:1

Thoghiu ghili pesü qheza kevilo, kughengu no ye ado no kiu süghi nani keno mthake.

AKUMLO 3:37

Ampeu no azah tsümo keloye khuu no piqhive no tipau shikupu kulupu kea?

MATTHEW 24:9

“Tileno nongu pesü shikighime eno pithive penike küghaluve nani, shiye kümtsü no I je ghenguno nongu jumithi nani.

MATTHEW 26:5

Panongu no pi, “Timiqo no mqhumza ipeghive nosake aghulhu ghuloki loye shimoni.”

Mark 14:1

Hechekulu eno Kholaqhi Sümokeu Sho Ghulhu züu atsala kini akelo, achinetomi ngo Ayezah shikükami no kishino mqüijoi shi Jisü küghape pithiveni keno kuchughua.

Luke 21:12

Ikemu hi kümtsü züuno nongu küghape kijipüsa nani, sinagog yepemi u lo süve no akughuki lo süve nani, eno I je ghenguno nongu sasü kükami ngo angh zülo wu nani.

Luke 22:33

Peter no Pa vilo pi, “Ampeu, ni ye o gholono akughuki eno akithi lomu wunike khe anie.”

John 19:23

Ghüshimi no kros lo Jisü yedave kethiu pa phimini luve no saje bidi shi kije, ghüshimi lakhikhi lo saje lakhi; pa phiküzü ghi luvetsü. Ikemu aphiküzü ye ashe küha eno kunguu no aqhou kutolo ala lakhi likhi no ghokime kehu

John 21:18

Kuchou no I no o vilo piani, kughou nono apumi shiche keno, o kutoshino aphimini pepusü khile khilemu nono pulo keu lo wuche, ikemu kughou nono kichimi shiveni keno, nono o u xachho no kütami no aphi o puu nani, eno nono khile pulomo keno tilau o sawu nani.”

Apostolmi 12:3

Hi no Jewmi lopu shikeu pa no ithulu no Peter ghi küghaluve nike phuwu. Hi ye Kholaqhi sümokeu Sho pine ghuloki lonoe.

Apostolmi 12:5

Ikehu Peter pesü akughu shive kemu akukuhou no pa ghenguno akumtoshi Alhou vilo inikhu ae.

Apostolmi 4:28

Nono azünatha kughu püakeu panongu no shike.

Apostolmi 4:3

Panongu no pama küghaluve no thoghiu kutolo khathave, kughengu tipani ye avela shiveke.

Apostolmi 5:18

Panongu no apostolmi küghape akughuki lo süve.

Apostolmi 8:3

Ikemu Saul no akukuhou kütsa thuve, pa no aki kümtsü lo ilo no küpülümi kiptimi totimi sünhekiti sawo akughuki lo süve.