Apostolmi 12:20 - Sumi Naga CL (Re-edited) Bible (BSI)

²⁰ Herod no Tyre ngo Sidonmi sasü kimpi ache kehu panongu no amlo lakhi shino pa lau ighi. Akükau ki jukükütsüu Blastus züiza no panongu no Herod vilo külakishi tsa pi, kughengu pano ghakhumi ye achuqupu ghenguno akükau ghakhu pükhü cheke.

BAIBEL (BSI)

²⁰ Herod ye Turmi ngo Sidonmi shou axu idekeu ache, ikehu panonguno pa lau kumtsa amqo lakhi shi ighi. Atughushi panonguno Blasta mulo zuluve, paye akukau kilo peithakutsuu atou ke. Tithiu panonguno Herod lau wupuzu alakishi qhuinijue, kughengu panongu ghakhumiye akukau ghakhu lono achuqupu sukishe sughi cheke.

Sümi Tiqhelimi Bible

²⁰ Pa ye Tyremi ngò Sidonmiqo sasü kichighi ache; ikemu panongu küqhave no hekütsü pe pa gholo amqo lakhi shini ke ighi. Panongu no akükau no lüthü shi pükhübelu chekeu Blastus mlo züluve kethiu, külakishi shini ke qhüinijue, kughengu panongu ye achuqupu ghenguno akükau chebo shou pükhü pe acheke.

Apostolmi 12:20 Iomraidhean Croise

BOTHUBO 10:15

Canaan no Sidon, pa nu anoghiu, eno Heth ithulu,

BOTHUBO 10:19

Canaanmi lughi ye Sidon lono Gerar küdau no Gaza kuto, eno Sodom, Gomorrah, Admah eno Zeboiim ngo Lasha küdau kutolo ke.

YEKIKITHI AKINIU 2:10

I no o qemi, asü küküxümi ashothi tsüghüve keu ahu lakh lhobidi bidi, barleythi ahu lakh lhobidi bidi tsüni, atsaizü ahu lakh bidi qhethonhe lhobidi, eno thazü ahu lakh bidi qhethonhe lhobidi tsü puwuni.”

YEKIKITHI AKINIU 2:15

Tighenguno I mpeu no piveke toi ashothi ngo barley, thazü ngo atsaizü ishi o qemi tsüpuwu tsülo.

EZRA 3:7

Ikehu panongu no atu ngo asü kümlamiqo pisa tsü, eno Persia kükau Cyrus launo puloza ithulu ketoi Lebanon lono cedar süboqo pewo azüghi lono Joppa lo yipe piqitsü penike chuqu-kusho ngo thazü pesü Sidonmi ngo Tyremi tsüe.

AHOLE 17:14

Mtomshu thuve aye azü khetha püakeu poleve ake toi, tighenguno mtomshu mphi lono ti lakha luvelo.

AHOLE 20:18

Mijekütsü lono akukughu huthu phelu cheni, alokütsü shi kichemije keu lono aghü küpüghülo.

AHOLE 25:8

paikhavi no küghakütha-a lo süghi kevilo kughengu thopimi kütami no ighi no o shikujove aye no ye ashekha lo kishive nani kea?

YETSAPIU 10:4

Yepeu no o shou amloide aye, o-a qhive kevilo, kughengu iqünheive keu no akipimi kije qhivetsü nani.

EZEKEL 27:17

Judah ngo Israel yeghi no o sasü lhidi shiche; panongu no Minnith shothi, achuqupu, akhingozü, thazü eno nukümtshau pesü ow tinhemgha kilhisho che.

Luke 16:8

Hekujuu no hitoi amqükini shike ghenguno pa mpeu no akishe tsüe. Kughengu hipa yeghi lomiu no aküvü lo akemi nguno alau amqükini shi pano toi kemi peitha cheni.

Apostolmi 12:21

Kihitha püake tsalani Herod no aküka phimini pepusü kükalakhü lo iqa, eno panongu vilo sheshu.

Apostolmi 21:3

Ningu no putou no Cyprus ithulu ghi au piyiu qhive no Syria lo wuve no Tyre tolu, kughengu ashuka ye tilehi akho qüqhini ye ake.

Apostolmi 21:7

Tyre lono ni ghüzüla kishekhave no Ptolemais lo ighive, eno tile athiküzümi sasü kusholu no panongu gholo atsala lakhi ngove.

JOSHUA 19:29

Tishino alughi ye Ramah lo tsüghüsü wuve ani eno aliwo kumto phughi Tyre to ani. Tileno idesü Hosah lo wu ani eno Azüghi lono ashekha shive ani; Mahalab, Achzib,