Apostolmi 12:11 - Sumi Naga CL (Re-edited) Bible (BSI)

¹¹ Peter no atsüveshe ipeghi kelo pi, “Itehi ye I no mtsümishei ithivae, Ampeu no paw kungumi hapuwu no Herod u lono eno Jewmi no shinie pi kümsü akeu kümtsü lono I xaphe luvae.”

BAIBEL (BSI)

¹¹ Tile Pitor ye atsuveshe alotsukhuyiluveno pi: “Kuchou ino ithivae, Ampeu no pawu kungumi hapuwu puzu Herod ulono eno Judamino shiniepi kumsu akeu kumtsu lono ihakholuvae.”

Sümi Tiqhelimi Bible

¹¹ Tipathiu Peter ye atsüveshe ipeghino pi, “Itehi ni ye lipimo no Ampeu no paw kungumi hapuwu püzü Herod no tsüqü pesü akeu lono eno Jewmi no shini kepi kümsü akeu kümtsü lono I xapheluve keu I no ithivae.”

Apostolmi 12:11 Iomraidhean Croise

BOTHUBO 15:13

Tileno Ampeu no Abram vilo pi, “Mtsüqheino ithilo, o tikughuko ye inaghami yeghi lo kupokichemi shiuve nani eno tilau aqemi shive nani, eno ampe 400 kutolo panongu kijipüsa ghimeqhi nani.

BOTHUBO 18:13

Ampeu no Abraham vilo pi, “Kushiye Sarah ye nu ghi ishi piani kea, ‘Itehi ni ye kitemi shive akeghi mtsüqheino anu ithulu nani keshea?’

BOTHUBO 26:9

Ikehu Abimelek no Isaac kuno pi, “Julo, li ye o nipue. Tishi aye kishino no ye, ‘Li ye I chepu,’ ipi kea?” Isaac no pi, “Kughengu I no ishi kümsüve, ‘Tishimo aye li ghenguno ni ye thive nani.’”

SAMUEL AKINIU 22:1

Kughou Ampeu no aghümi eno Saul u lono David xaphelu keno, tipani no pa no ale hipau lono Ampeu pütsae.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

JOB 31:31

I ki lo küami no, ‘Pa shi-akha no ghapiqi tsümokeu ani kea?’ ipi püaghimo aye,

JOB 5:19

Pa no aküküpna tsügho lono o xaphe luve nani; iyei akütsüniu loye alhoksa no o bumo nani.

LESHELE 109:31

Kughengu Pa no akukuphu avehupu shi akemi u ajeu puthugho cheni, ti ye pithive peniye küghathave kemi Pa no xalu niye ke.

LESHELE 33:18

Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

LESHELE 33:19

tishikeu lono Pa no akithi lono pano ngulho xaphelu eno püqümiye ighi kelo panoqo püxülu cheni.

LESHELE 34:22

Ampeu no Pa qemi küxü qhüchile luve nani; Pa lau sükusho luche kemi khumu kileve monani.

LESHELE 34:7

Ampeuw kungumi no Pa sümsa chekemi bothape acheni, eno panoqo xaphelu cheni.

LESHELE 41:2

Ampeu no pa süsho eno püxütsü cheni; pa no xü akeu yeghi lo pa ye alokivipu timi ipi kucheni; pa ghümi no kümsü pulo akeu lo No ye pa phesüve chemoe.

LESHELE 97:10

O nongu Ampeu kimiye chekemi, alhoksa mithilo! Pa no Paw akimthemi küxü pükhalu cheni; Pa no küsaküghami u lono panoqo xalu nani.

DANIEL 3:25

Pa no pi, “Ikemu timi bidi tsügha mono ami mta lo ala checheni, panongu ye piti püamo; eno timi abidiu koghe ye alhou nu lakhi toi ni ye ithulu anie.”

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

Luke 15:17

“Ikemu kughou pa no atsüveshe kümsülu keno, pa no pi, ‘I puw qekuchumi khije no chukepu kupukuno shi ani püzü ni ye hilau akhüava no thiu chea kelae!

Apostolmi 12:7

Paikhavi Ampeuw kungumi no pa phivilo puthugho aghi eno aküvü no achebo yepüvüve. Pa no Peter tukini küdaputhu no pi, “Mtazü ithulo.” Tile pa u lono ayikichhe iko ikiqive.

Apostolmi 24:27

Kughou ampe kini wove keno, Porcius Festus no Felix züqhulo ighive. Eno Jewmi lopushi tsüniye Felix no Paul akughu shive.

Apostolmi 25:9

Ikemu Festus no Jewmi pulou shitsü niye Paul vilo pi, “No ye Jerusalem lo iqho no tilau no hi o nguku akeqo pelo I zülono küghaju penishi anima?”

Apostolmi 5:19

Ikemu putho lono Ampeuw kungumi no akughuki hukikha khaqhive no panongu saipeghi no pi,

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

2 Peter 2:9

ikehu Ampeu ye puju-peju keu lono Pa ithi kemi kishi xaphelu kepu keno ithi cheni, eno küghakütha tsala tomoke kutolo amikucho kumomi pesü ghimeni keu ithi cheni,