Apostolmi 11:28 - Sumi Naga CL (Re-edited) Bible (BSI)

²⁸ Panongu gholo Agabus ipikeu no puthugho no ayeghiqha kümtsü lo püqümiye kije chenie pi Aghungu vecheo pichho tsü (hi ye Claudius ghuloki lono shikupuve).

BAIBEL (BSI)

²⁸ Panoqo gholo Agaba ipikeuno puthugho puzu Aghungu kuka vechewo ighinike ghili pikeuno ayeghiqha kumtsu shou puqumiye keu lakhi kije cheniepi. Klaudia no akukau shi ake lono hipau shikupue.

Sümi Tiqhelimi Bible

²⁸ Ike panoqo gholo timi lakhi Agabus ipikeu no puthugho püzü Aghungu vechewo püqümiye kijè lakhi Rome yeghiqha kümtsü shou ighi nani ipi kütüghü tsüe. (Hiye Claudius no akükau shi ake ghuloki lono shikupuve.)

Apostolmi 11:28 Iomraidhean Croise

BOTHUBO 41:38

Eno Pharaoh no pa qemi vilo pi, “Alhou Ghungu alolo akemi timi hitoi keu ningu ye ithulu nani keshea?”

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

MATTHEW 24:7

Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

Luke 2:1

Tipa ghuloki lo Caesar Augustus launo ayeghiqha kümtsü lo timiqo pelo aje yesülu penike xaküthaza kiye puwu.

Luke 3:1

Tiberius Caesar yepe mpe chighiapunguu lo, Pontius Pilate no Judea lo angh shi, Herod no Galilee lo yepeu shi, pa thiküzüu Philip no Ituraea ngo Trachonitis, eno Lysanias no Abilene lo ayepe chekelo,

Apostolmi 18:2

Pa no Pontusmi Jewmi Aquila kusholu. Aquila ye anileshi pa nipu Priscilla sasü Italy lono ighi ae, kughengu Claudius no Jewmi kümtsü vilo Rome qhive lopi azah tsüveke. Paul no pama pütsani ye wu,

Apostolmi 21:10

Ningu no tile atsala kutomo ngove kethiu Judea lono Agabus ipikeu tungkupmi lakhi ighi.