Apostolmi 11:26 - Sumi Naga CL (Re-edited) Bible (BSI)

²⁶ eno kughou pa no phulu keno, pa sasü Antioch lo ighi. Ampe kupuju pama no akukuhomi sasü kuposhu no timi kütsasa shika. Antioch lono atüghüshi akhopemi pesü Khristomi ipi kulue.

BAIBEL (BSI)

²⁶ Pano pa phulu kelo pa sasu Antiok lo ighi. Ampe lakhi kupuju pamano akukuhomi sasu kushokumtsa eno timi aqo kije shikache. Ike ti kutsuluvekemiqo pesu Khristomi ipi Antiok lono kutughiu shie.

Sümi Tiqhelimi Bible

²⁶ eno kughou pa no Saul phuluve keno pa sasü Antioch lo ighi. Ike Barnabas ngò Saul pama no ampe kupuju akukuhomi sasü kusholu eno timi kutomo kütsüe. Küpülümiqo ye Khristomi ipi Antioch lono atüghiu shi kulù.

Apostolmi 11:26 Iomraidhean Croise

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

John 2:2

Jisü ngo pa khopemi ghi külakupu lo kusüpüa.

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

Apostolmi 11:20

Ikemu panongu gholo Cyprus ngo Cyrene timi khami no Antioch lo ighi no Ampeu Jisü ghili pesü Greekmi vilo ghi sheshu.

Apostolmi 11:22

Hipau sütsa Jerusalem lo akukuhou tove, ikehu panongu no Antioch lo Barnabas puwu.

Apostolmi 11:27

Tipa ghuloki lo tungkupmi khami Jerusalem lono Antioch lo ighi.

Apostolmi 11:29

Ikehu akhopemi no pütüta no toluke qhemi Judea lo athiküzümi lau akukuphu tsünie pi xathalu.

Apostolmi 14:20

Ikemu akhopemi no pa sühope akelono pa no ithughi no aphughi lo ilove, eno thoghiu no Barnabas sasü Derbe lo wuve.

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Apostolmi 14:23

Pama no akukuhou kümtsü lo layemi kisheve tsü kethiu, akighini eno kümvü keu lono panongu pesü pano no pülüluve keu Mpeu lau kulhuqhi tsü.

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Apostolmi 14:28

Pama no küpülümi sasü ado kushuo ngove.

Apostolmi 18:27

Kughou pa no Achaia lo wunishi keu pi keno, küpülümi no pa shikumto eno pa ikhilu tsü penike akhopemi lau yesü yetsü. Pa no ighi kelo khunoqo küpükini vecheo pülülu keno, tipaqo shishe kuphu tsü,

Apostolmi 19:9

Ikemu khami no kuthovi auve no pülümo püzü aqo zülono Alaghi vehu lhoksa piuve kehu pa no panoqo qhive no akhopemi sasü wuve, eno tsalakipe Tyrannus hoho ki lono küptsache.

Apostolmi 20:1

Aküküpna thiu, Paul no akhopemi kuno panongu mlo shikumto tsüno ileno alo pive, eno pa ye Macedonia lo wuve.

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

Apostolmi 21:4

Tile akhopemi phuwu püzü panongu sasü kusholu no atsala tsüni ngove. Eno Aghungu vecheo panongu no Paul vilo Jerusalem lo wu kevilo pi,

Apostolmi 26:28

Agrippa no Paul vilo pi, “Hi ikhonheike dolono no ye I pelo Khristomi shive penike I züiza ani keo?”

Apostolmi 6:1

Tipa ghuloki lo apapemi alau ikowove kehu Greek tsa kipimi Jewmi no Hebrewmi shou muchho ipeghive kughengu tsalakipe chuqupu kikije lo panow chimemi kughuchove ake.

Apostolmi 6:5

Panongu no pikeu no aqomi kümtsü lopiqi luve, eno panongu no hipaqo kishelu: Stephen, aküpülü ngo Aghungu Kimthe no chhitoi kemi, Philip, Prochorus, Nicanor, Timon, Parmenas, eno Antiochmi Jewmi chineye lono ighikeu Nicolaus.

Apostolmi 9:19

eno achuqupu chuno akumto shiluve. Atsala hami pa ye Damascus lo akhopemi gholo ae.

Apostolmi 9:38

Joppa ye Lydda phivilo kehu akhopemi no Peter ye Lydda lo anie pi chilu kelo timi kini puwu no pi, “Kimiyeno munu kevino ni lau ighi tsülo.”

1 Kor. 11:18

Atüghüshi, kughou nongu no kuhoni keno nongu gholo kijethakile akeu I no chiluvae; eno tile kuchou hami aghi nani,

1 Kor. 12:12

Aphimpi lakhi lo aphiau jeli kutomo aketoi eno aphiau jeli kutomo no aphimpi lakhi lo aketoi, Khristo gholo ghi titoi ke.

1 Kor. 14:23

Imaye akukuhomi kümtsü no kumqo kelo kümtsü no amilikithe lono piuve, eno khalaumi momu pülümokemi no iloghi aye, nongu ye akükümsü achipi shiamoe pi panongu ye pimoni keshea?

1 Kor. 4:17

Hi ghenguno I no Ampeu küdau no pükhükulupu nu, I qhuu Timothy nongu lau puwu ani, ti ye I no Khristo gholo cheche keu pesü akuaqha lo akukuhou kümtsü lau shika cheke toi nongu kütü peniye ke.

Ephesiami 3:15

Pa vecheo kungugha eno ayeghi lo akibo kümtsü je kutsü cheni.

James 2:7

Le panoqou no aje kivi khikhi nongu tsü keno, tipau thaigha chenike kumo keshea?

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

1 Peter 4:16

Tishi namu, khuana no Khristomi lakhike ghenguno ime aghi aye, pa ye kujomza kevilo, ikemu tipau jelono Alhou shikimthi lo.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.