Apostolmi 11:19 - Sumi Naga CL (Re-edited) Bible (BSI)

¹⁹ Stephen pithive kelono kijipüsa thuve kehu Phoenicia, Cyprus, eno Antioch kutolo apanagha pove keqo no atsa pesü kütami vilo pimono Jewmi vilo likhi pie.

BAIBEL (BSI)

¹⁹ Ike Stifan pithilukeu lono shikighimekeu huthuve kehu kupulumiqoye apanagha Fonika ngo Kupra ngo Antiok kutolo wu khave; eno panonguno asutsakivi hu Judami vilo likhi piwo.

Sümi Tiqhelimi Bible

¹⁹ Stephen pìthíve keu lono pishi-puju ipeghi keu vechewo küpülümi apanaghave kemiqo no Phoenicia, Cyprus eno Antioch kutólo wu no Jewmiqo dolo likhi Alhou tsa pesü külha wove.

Apostolmi 11:19 Iomraidhean Croise

MATTHEW 10:6

ikemu Israel lagha lo püha püakeu mbeloji lau wulo.

John 7:35

Jewmi no panongu dolono pi, “Timi hipau ye khila wuniye anipi ningu ye pa phumla nanie piani kea? Pa ye Greekmi phughiqo lo Jewmi hapiyepighive keqo lau wuno Greekmi kütsüni ye ani keo?

Apostolmi 11:20

Ikemu panongu gholo Cyprus ngo Cyrene timi khami no Antioch lo ighi no Ampeu Jisü ghili pesü Greekmi vilo ghi sheshu.

Apostolmi 11:22

Hipau sütsa Jerusalem lo akukuhou tove, ikehu panongu no Antioch lo Barnabas puwu.

Apostolmi 13:1

Antioch kukuhou lo tungkupmi ngo shikükami hipaqo ae: Barnabas, Simeon khuu Niger ipiche keno, Cyrenemi Lucius, yepeu Herod poshuu Manaen, eno Saul.

Apostolmi 13:4

Aghungu Kimthe no puwu ketoi pama no Seleucia lo iqive eno tilauno ashuka lono Cyprus lo wuve.

Apostolmi 13:46

Paul ngo Barnabas pama no amlo kumtoshi pi, “Alhou tsa ye nongu vilo paghi pi masa kepu shiae. Ikemu nongu no ti ye kileve no nongu ampi ye lhokta küxü ithulu küzüpu kumovae pi xathave akeke ningu ye Jewkumomi lau wuniae.

Apostolmi 14:26

Tileno pama ye ashuka lono Antioch, khileno pama pesü akümla itehi shiqhilu keu mlawu peniye Alhouw küpükini lo kulhuqhi tsü keno, tilau wuve.

Apostolmi 15:22

Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 15:3

Akukuhou no panongu puwuve, eno panongu no Phoenicia ngo Samaria kathasü wuno Jewkumomi no kishi Alhou lau xaide ighilu ani keno chixechilei lhepiye, eno küpülümi kümtsü lau shishe alokivi süghi tsü.

Apostolmi 15:30

Panongu puwuve kethiu, panongu no Antioch lo wuno küpülümi kukumqo no yesü tsüve.

Apostolmi 15:35

Ikemu Paul ngo Barnabas pama ye Antioch lo tishi ngove no kütami kutomo gholono Ampeu tsa shika eno kütsü ae.

Apostolmi 15:39

Eno pama dolo küthamla keu ipeghive kehu pama kütüta shive. Barnabas no pa gholo Mark sasü ashuka lono Cyprus lo wuve.

Apostolmi 18:22

Kughou Caesarea tokeno, pa no akukuhomi sasü kusholu no tithiu Antioch lo wuve.

Apostolmi 21:16

Caesarea lo akhopemi khami no ningu gholo iqho eno nino ngoniye akeu kilo sawu. Aki mpeu ye Cyprusmi Mnason, akhopemi azüumi ke.

Apostolmi 21:2

Ashuka lakhi Phoenicia lo wu cheghi kehu ningu no tile ikuno wuve.

Apostolmi 3:26

Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”

Apostolmi 4:36

Ikehu Levimi lakhi, Cyprus noghami Joseph ipikeu, khuu apostolmi no Barnabas (tipau kiqi ye shikumtokütsüu nu), ipi kutsü keno,

Apostolmi 6:5

Panongu no pikeu no aqomi kümtsü lopiqi luve, eno panongu no hipaqo kishelu: Stephen, aküpülü ngo Aghungu Kimthe no chhitoi kemi, Philip, Prochorus, Nicanor, Timon, Parmenas, eno Antiochmi Jewmi chineye lono ighikeu Nicolaus.

Galatiami 2:11

Kughou Cephas no Antioch lo ighi keno I no pa gi theno sakiyi, kughengu pa ye pimiveke.