Apostolmi 10:38 - Sumi Naga CL (Re-edited) Bible (BSI)

³⁸ Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

BAIBEL (BSI)

³⁸ Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Sümi Tiqhelimi Bible

³⁸ Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 10:38 Iomraidhean Croise

YEKIKITHI AKINIU 17:9

Panongu no Ampeu Yezah Kaku pesü Judah lo mishighüna kümtsü wuno timiqo shika.

LESHELE 2:2

Ayeghi lo kükami no pano ampi süqhe, eno yepemi no mije küqhano Ampeu eno Paw Nukikishe lachile pi,

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

ISAIAH 11:2

Ampeu Ghungu no pa shou anani, alokütsü ngo vethakulu Ghungu, mijekütsü ngo aküka kumto Ghungu, akighithi ngo Ampeu sükümsa Ghungu no pa shou anani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

MATTHEW 12:15

Jisü no pimhe luve kehu tileno wuve. Ikemu kutomo no pa pape wuve, eno küsükinimi ighi kemi kümtsü pa no shipivitsü

MATTHEW 12:28

Ikemu I no Alhou Ghungu pesü tüghami haphe aghi aye Alhou yekipe ye nongu lau ighivae.

MATTHEW 9:19

Jisü no ithu püzü pa khopemi gholono timi papesü wu.

MATTHEW 9:35

Jisü no aphughi eno aphu kümtsü lo wuno sinagog lono timiqo kütsü eno kungugha yekipe tsakiviu pesü sheshu no aküsü ghime jeli kümtsü shipivi tsüe.

Mark 6:6

Timiqo küpülü küküha ghenguno pa ye akümza qhiyive. Tileno pa ye acheaxü lo aphuqo lo itsü kütsüshika wuve.

Luke 3:22

eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

Luke 9:42

Apu no sasü cheke lono tüghami no anu ayeghi lo veqhi püzü sükuchoqhi. Ikemu Jisü no mithekumo ghawu sakiyi no anu hu shipivi tsü, eno papu lau puwuve.

Luke 9:56

Eno panongu no aphu kütau lo wuve.

John 10:32

Jisü no panoqo khochile, “I no nongu zülo akümla kivi kutomo Apu launo ighikeu piyevae; tipaqo dolo khikhiu ghenguno nongu ye atu pesü I veqhi niye ani kea?”

John 16:32

Julo, atüqhüdo cheni, eno mtsüqheino ighivae, nongu kümtsü pütüta kilo apanaghave nani, eno I likhi qhive nani. Ikeghi ni ye I likhive monani, kughengu Apu no I gholo ani.

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

Apostolmi 10:37

John no baptizkishi sheshu keu vecheo Galilee lono huthusü Judea qhalo kiu shive keno nongu ampi no ithi ani:

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

1 John 2:20

Ikemu nongu ye Akimtheu huno nukishelu püani, eno kümtsü no kuchou kighithi ani.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.