Apostolmi 10:35 - Sumi Naga CL (Re-edited) Bible (BSI)

³⁵ ikemu shiye kümtsü gholo khukhumu Pa sümsa eno achipiu shikeu ye ikhikulupu shicheni.

BAIBEL (BSI)

³⁵ Khunokhuno shiayeh shi aghimu khuno Alhou sumsa eno achipiu shicheghi nikeno Alhou ye tipano ikhilunikeuke.

Sümi Tiqhelimi Bible

³⁵ eno shiye jeli kümtsü lono pa sümsa chekemi eno kiu no achipi keno tipau shi chekemi ikhilu cheni.

Apostolmi 10:35 Iomraidhean Croise

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

LESHELE 111:10

Ampeu sükümsa ye alokütsü boqha ke; khunono tipau pape cheni keno vethakulu kivi ani. Pa shekiqhe ye alhokupuju ache nani!

LESHELE 19:9

Ampeu sümsa keu ye mithe mithei, alhokupuju ache nani; Ampeu yezah ye kuchou, eno thokha lo achipiue.

LESHELE 85:9

Mtsüqheino Paw xakulu ye Pa sümsa chekemi phivilo ani, tishikeu lono ajuküvü ye ningu yeghi lo anani.

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

AHOLE 2:5

tileno nono Ampeu sükümsa ye kiu keno vethalu nani eno Alhou kighithi phulu nani.

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

Luke 1:28

Kungumi huno li lau ighi no pi, “O Ampeu mlo kuchuu, alovi lo, Ampeu no o gholo ani!”

Apostolmi 10:2

Pa ye Alhou ithitoi eno pa kibo kümtsü Alhou sümsa chekemi, kumlhomi kuphu eno tamono Alhou vilo inikhu chekemi.

Apostolmi 10:28

Pa no panoqo vilo pi, “Nongu no ithi anike Jewmi lakhi no shiye kütami sasü xukütshü momu xujuni keu ye ayezah kiqilo kumoe, ikemu timi khumu pesü kitiqeve keu momu mithekumo ipi pemoni ke Alhou no I piyevae.

Apostolmi 15:9

eno aküpülü vecheo pano mlo shikimthe tsüno ningu ngo panongu dolo kiumu kothakile keu shitsü moe.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Rommi 2:13

Kughengu Alhou zülo ye Ayezah chikulumi no kumono pekupulu kemiu no achipikalu nani.

Rommi 2:14

Jewkumomi khunono Moses Yezah pechemo keghi pano lotsü no hakite keu lono Ayezah lo akeu shini keno, Ayezah huno panow kumo aghi namu pano ghengu ghi ake.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

1 Kor. 12:13

Kughengu Aghungu lakhi lono ningu kümtsü aphimpi lakhi lo baptiz shisüe—Jewmi momu Greekmi na, aqüaxemi momu ghoshixümi namu—eno kümtsü pelo tipau Ghungu yelu peke.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

Ephesiami 5:21

eno lakhino lakhi lau Khristo gihu keu michishi qhoqhü kilelo.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

1 John 2:29

Tsala nongu no Khristo ye amikucho kepi ithi aghi aye, achipiu-mikucho pesü xüche kemi kümtsü Alhou nuli kepi nongu no thebeilu nani.