Apostolmi 10:2 - Sumi Naga CL (Re-edited) Bible (BSI)

² Pa ye Alhou ithitoi eno pa kibo kümtsü Alhou sümsa chekemi, kumlhomi kuphu eno tamono Alhou vilo inikhu chekemi.

BAIBEL (BSI)

² Paye achineyehlo amlotsuqhiyi chekemi, pa eno pa kibo kumtsu Alhou sumsache. Pano Judami kumlhomi kumsano shishe kuphuche eno tamono Alhou vilo inikhu ache.

Sümi Tiqhelimi Bible

² Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 10:2 Iomraidhean Croise

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

YEKIKITHI AKINIU 6:33

O kungo-a kungugha lono ini tsüno inami huno O vilo khukeu kiqi lono kümtsü shitsü lo, tishikeu lono ayeghi lo ashiaye kümtsü pelo ow timi Israelmi no No ithi eno O sümsa cheke toilu pelo, eno I no aki hipau mla püakeu ye O je vecheo mla kepi panongu no ithi peni.

JOB 1:1

Khaghi Uz yeghi lo timi lakhi Job ipikeu ache, pa ye tukutiye kühano müzüchoi kemi, Alhou sükümsami eno alhoksa lono tsüghüve chekemi.

JOB 1:5

Kughou no aghulhu tsalaqo taveni keno, Job no panongu ku puwu no shikimthepe Alhou lau ikhiphe tsüche, pa no inaqhe itheno ithu panongu lakhikhi ghenguno akipti kümllagho shiche. Kughengu pa no piche, “I nuliqo no axine shive no panongu mlo lono Alhou ghushove aghi nosake.” Ikehu pa no alhokuthu hitoi shiche.

LESHELE 102:15

Shiyeqo no Ampeu je sümsa nani eno ayeghi lo kükami kümtsü no O juküvü sümsa nani.

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,

LESHELE 25:5

O chipiu pesü I shika eno I sachelo, kughengu No ye I xakuluu Lhou ke; atsala kupuju ni ye O ngokhe anie.

LESHELE 41:1

Khunono kumlhomi jukuto cheni keno pano lokivipue! Shiluküsa tsala lo Ampeu no pa xaphelu cheni;

LESHELE 55:17

Avela, inaqhe eno puchomghü lo I no muchho eno aghuju shi igha, eno Pa no I sütsa chilu tsüe.

LESHELE 86:3

O Ampeu, I küpüqhiyi tsülo, kughengu ni ye O lau atsala kupuju qa ani.

LESHELE 88:1

O Ampeu, I xakulu Lhou; I no putho pucho kupuju O zülo qae.

YETSAPIU 7:18

Hipau tsüqü luve keu no o ghenguno alo, eno lakhiu ghi pheve kepu kumoe. Kughengu khuu no Alhou sümsani keno, pa ye ti küma kinikujo lono pojolu nani.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

DANIEL 6:16

Tileno akükau no azah tsüno Daniel saighi eno abongshuuqo kilo vesüve. Akükau no Daniel vilo pi, “O Lhou, khuu nono tamono qecheni keno, Pa pelo o xalu peniu!”

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

MATTHEW 25:17

Titoi ghüka 2,000 ithulu keu ghi tipaqo pesü ghüka 2,000 ala kimje luve.

Luke 18:1

Jisü no pa khopemi pelo alomtshü mono alhokuthu inikhu peniye panongu vilo kimghikipiye hipau pi.

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Apostolmi 10:31

eno pi, ‘Cornelius, o kighini eno nono kumlhomi kuphu chekeu hu Alhou no ikhiluve tsüae.

Apostolmi 10:35

ikemu shiye kümtsü gholo khukhumu Pa sümsa eno achipiu shikeu ye ikhikulupu shicheni.

Apostolmi 10:4

Pa no thüghüi kungumi juno pi, “Ampeu, kiu kea?” Kungumi huno pi, “O kighini eno nono kumlhomi kuphu chekeu ye kümsükulu kümllagho shi Alhou tovae.

Apostolmi 10:7

Kungumi pa pütsa akeu no wuve kethiu, Cornelius no pa qemi kini eno pa hikujuu ghüshimi Alhou lau amlo tsüqhiyi kemi ku,

Apostolmi 11:14

pa no o vilo atsape sheshu nani eno tipa vecheo no eno o kibolomi kümtsü xaluve nani.’

Apostolmi 13:16

Ikehu Paul no puthugho no pa u peqhe tsüno pi: “Israelmi eno nongu Alhou sükümsami, inilo.

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

Apostolmi 13:50

Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Apostolmi 18:8

Sinagog yepeu Crispus no pa kibolomi kümtsü sasü Ampeu küpülümi shive. Corinthmi kutomo no Paul no pikeu tsa chilu no pülü luve eno baptiz shive.

Apostolmi 2:5

Tipa ghuloki lo aghakhu kümtsü lono amlo kütsümi Jewmi Jerusalem lo ae.

Apostolmi 22:12

“Ananias ipikeu, Ayezah pülüthomi, tipa phughi lo Jewmi akemi kümtsü no pipivi chekeu

Apostolmi 8:2

Alhou ithitoi kemi no Stephen shiqhove eno pa ghenguno shishe mloqae.

Apostolmi 9:11

Ampeu no pa vilo pi, “Ithu no Müzüchoi ipi chekeu laghi lo wuno Judas kilo Tarsusmi Saul ipikeu phuwulo, kughengu pa ye akighini shi ani,

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Apostolmi 9:36

Joppa lo akhopemi totimi lakhi Tabitha, pekide kelo Dorcas ipikeu ae. Li ye akümla kivi eno kumlhomi tsükinimi ke.

Kolosiami 4:2

Tamono mtotoi akighini shi alo, shikimthikütsü gholono tsükhüi khekuto alo.

1 Thes. 5:17

tamono inikhu lo,

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”