Apostolmi 1:8 - Sumi Naga CL (Re-edited) Bible (BSI)

⁸ Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

BAIBEL (BSI)

⁸ ikemu kughou Aghungu Kimthe nongu shou ighi nikeno nonguno akumto ithulu nani, nonguye Jerusalem lo ngo Judia qha kumtsulo. Samaria lo eno ayeghi shekha kutolo ishepemi shimasa nani.”

Sümi Tiqhelimi Bible

⁸ Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Apostolmi 1:8 Iomraidhean Croise

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

MICAH 3:8

Ikemu I ghengu ye, Ampeu Ghungu küka eno kuchou xakütha ngo akumto no I shepichhipe ani, ti ye Jacob vilo paw hekibide eno Israel vilo pa xine piniye ke.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

Mark 16:15

Pa no panongu vilo pi, “Ayeghiqha kümtsü lo wulo eno atsakiviu pesü pulhoküsü kümtsü lau sheshu lo.

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

Luke 10:19

Julo, nongu pelo tüghükupu pighi ngo achuwopaza nedalu, eno aghümi küka kümtsü qhasülu penike I no kükagha nongu tsüvae; eno kiumu nongu ghüzamo nani.

Luke 24:29

ikemu pama no tsüikhomo pa vilo pi, “Avela shiu chea eno tsüzüve niake ni gholo ngove lo.” Ikehu pa no pama gholo ngoniye ilove.

John 15:27

Eno nongu ghi thopi shitsü nani, kughengu nongu ye abothu lono I gholo acheae.”

Apostolmi 1:22

John no baptiz shitsü kelono ningu launo pa saikuve ke kutolo ni gholo chekeno, tipaqo dolo lakhi pesü ni gholo paw xüchilekulu thopimi shi masave.”

Apostolmi 1:5

kughengu John no azü pesü baptiz shitsüe, ikemu ado kushuo kumo lo Aghungu Kimthe pesü nongu baptiz shitsü nani.”

Apostolmi 13:31

eno atsala kutomo khunoqo Galilee lono Jerusalem lo pa gholo ighi keno, panongu lau ipeghi, tipaqo no itehi ye timiqo lau paw thopi shi ani.

Apostolmi 2:32

Alhou no Jisü hipau xüputhuve, eno ningu kümtsü no tipau thopimi ke.

Apostolmi 22:15

Kughengu nono kiu ithulu eno chiluve akeno tipau pesü kümtsü lau Paw thopi shiniae.

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

Apostolmi 4:33

Aküka kumto kije lono apostolmi no Ampeu Jisü xüchilekulu shepe shi, eno panongu kümtsü shou küpükini shishe kije ikughi.

Apostolmi 5:32

Ningu ye thime hipaqo thopimi ke, eno Alhou no Pa gholu kemi lau tsükeu Aghungu Kimthe ghi thopimi ke.”

Apostolmi 6:8

Stephen ye küpükini eno aküka no chhitoi akehu akümzapu eno amchipu kümla timiqo gholo shiae.

Apostolmi 8:1

Saul no Stephen pithive keu lo pulo tsüe. Tipani no Jerusalem lo akukuhou kijiküpsa kije ipeghive. Apostolmi thono küpülümi kümtsü Judea ngo Samaria qhalo apanagha kuhave.

Rommi 10:18

Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.