Apostolmi 1:6 - Sumi Naga CL (Re-edited) Bible (BSI)

⁶ Ikehu panongu no kumqope akelono pa vilo ighiju, “Ampeu, no ye hipa ghuloki lono Israelmi lau kükaqha tsüchile nani kea?”

BAIBEL (BSI)

⁶ Kughou apostolmino Jisu sasu kumtsa kumqo akeno panonguno pa iniju, “Ampeu, noye hipa ghuloki lono Israilmi lau akukaqha tsuchileni akema?”

Sümi Tiqhelimi Bible

⁶ Panongu no pa homüxa pe ngo no pa vilo iniju, “Ampeu, no ye atüqhüdo hipau lono Israel kükaphu sachile süghi niye ani keshea?”

Apostolmi 1:6 Iomraidhean Croise

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

ISAIAH 1:26

Azüu toi I no now xaküthami tsüchileni, eno abothu lo toi now mijekütsümi tsüni. Tithiu no nongu pesü amikucho, pükhükulupu phughi ipi kutsüni.”

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MATTHEW 17:11

Pa no khochile, “Elijah ye cheni eno pa no thokha athoputho tsü nani.

MATTHEW 20:21

Jisü no li vilo iniju, “No ye kiu lunishi ani kea?” Li no khochile, “O yekipe ighi kelo I nu hi pama lakhi no o u ajeu eno lakhi no o u piyiu iqa penike piqhive tsülo.”

MATTHEW 24:3

Jisü no Olive Toghi lo iqa akelo, akhopemi no lomoshi ighi no pa vilo pi, “Kughou no hipaqo shinani eno no ikighi lo ngo tiqheli shekuho lo kiu michipu anani keno ni vilo pitsü nima?”

Mark 9:12

Pa no khochile, “Elijah paghi no thokha kümtsü athoputho tsünike cheni. Maye kushiye Timi Nu no aghime shimasa keu eno pa kiphikumo shi kileveni keu ghili yepüani kea?

Luke 17:20

Alhou yekipe ye kughou no ighi nani kelapi Phariseemi no ighiju akehu Jisü no panoqo khochile, “Alhou yekipe ye amchipu ithulu ghi ighini chemoe,

Luke 19:11

Timiqo no Jisü tsa hipaqo ini ake lono pa no kimghikipiye lakhi pikibe, kughengu Pa ye Jerusalem kupunu chea eno panongu no Alhou yekipe ye ke-i ighive niye ani küghashi kümsü ake.

Luke 22:29

ikehu I Pu no ayekipeqha I tsüke toi I no nongu tsü ani.

John 21:21

Kughou Peter no pa ithulu keno, pa no Jisü vilo pi, “Ampeu, timi hipau ye kishi nani kea?”