Apostolmi 1:11 - Sumi Naga CL (Re-edited) Bible (BSI)

¹¹ eno pi, “O Galileemi, nongu ye kushiye atsütsü lo jupuku ania? Hi Jisü, khuu nongu launo kungugha lo saikuve akeno, pa ye kungugha lo wuve keu gholau no itaghi ighi nanie.”

BAIBEL (BSI)

¹¹ Pamano ishi pi; “O Galilmiqo, nonguye kushiye puthughono atsutsu kudau jupuku ania? Hi Jisu khuu nongu launo kungughalo saiku keno, pano kungughalo wukeu nonguno ithuluvekeu toi paye tipaphi shighi ide ighi nani.”

Sümi Tiqhelimi Bible

¹¹ Pama no ishi pi, “Galileemiqo, nongu ye kushiye hile puthugho no atsütsǘ lo ju ani kea? Jisü khuu nongu lau no kungugha lo sawuve akeno pa ye nongu no kungugha lo pa sawuve keu ithulu ketoi akiniù ideighi nani.”

Apostolmi 1:11 Iomraidhean Croise

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:28

Kuchou no I no nongu vilo piani, hile puthugho akemi khami ye Timi Nu no pa yekipe süghi keu ithulu moke kutolo akithi michemo nani.”

MATTHEW 24:30

Tileno Timi Nu michipu atsütsü lo ipeghi nani, ayeghi lo ashiaye kümtsü no mloqa nani, eno Timi Nu no khüngküsü lo aküka eno ajuküvü kije lono chekeu timiqo no ithulu nani.

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

Mark 13:26

Tileno Timi Nu ye aküka eno ajuküvü kuloghi shi khüngküsü lono chekeu kümtsü no ithulu nani.

Mark 14:70

Ikemu Peter no itaghi milive. Ado hami thiu itaghi tile akemi no pa vilo pi, “Mtsüqheino no ye pa qomi gholo lakhike kua, kughengu no ye Galileemi shi ani.”

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Luke 21:27

Tileno Timi Nu no aküka eno ajuküvü kuloghi shi khüngküsü lono ighi keu timiqo no ithulu nani.

Luke 24:5

Panongu ye ighono msave no agi pishiqhope ayeghi daluve, ikelo pama no pi, “Kushiye nongu ye kithimi gholo küxümi phu cheni kea?

John 14:3

I no wuno nongu sala a-a kutotsü kethiu, I no ideighi no I gholo nongu sawu nani, tishikeu lono I no khile ani keno nongu ghi tile anani.

Apostolmi 1:2

pa no kishelu kemi Apostolmi lau Aghungu Kimthe vecheo azah tsüve kethiu, kungugha lo pa saikuve keu tsala kutolo.

Apostolmi 1:22

John no baptiz shitsü kelono ningu launo pa saikuve ke kutolo ni gholo chekeno, tipaqo dolo lakhi pesü ni gholo paw xüchilekulu thopimi shi masave.”

Apostolmi 1:9

Pa no hipaqo pive kethiu, panongu zülono pa ye kunguu saikuve eno khüngküsü no panoqo nhethe lono pa sawuve.

Apostolmi 13:31

eno atsala kutomo khunoqo Galilee lono Jerusalem lo pa gholo ighi keno, panongu lau ipeghi, tipaqo no itehi ye timiqo lau paw thopi shi ani.

Apostolmi 2:7

Panongu no akümzaqhiyi eno akichiqhipe pi, “Hi atsa pi akeqo kümtsü Galileemi ke kumo?

Apostolmi 3:12

Kughou Peter no ti ithulu keno, pa no timiqo vilo pi, “Israelmiqo, kushiye nongu ye hi jupe akichiqhi ani, eno ni küka momu ni küxü kimthe huno timi hipau pelo alache lupe ketoi kutuxoxo ni juani kea?

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.