AMUS 9:8 - Sumi Naga CL (Re-edited) Bible (BSI)

⁸ Julo, Ampeu Alhou nhethi ye axine kükaqha ju ani, I no ayeghi lono ti kütsave nani ikemu Ni ye Jacob lagha qhoi kütsaleve monani,” ipi Ampeu no asheshu.

BAIBEL (BSI)

⁸ Ni, AMPEU Alhou ye hi axine shikicheu Israil kukaqha jukuto acheni eno ino ayeghiqha zulono hipau kutsaleve nani. Ikemu niye Jakob polo kughukomi kumtsu qhoi kutsalevemo nani.”

AMUS 9:8 Iomraidhean Croise

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

BOTHUBO 7:4

Kughengu atsala tsüni dolono I no ayeghi lo putho tsala lhobidi eno pucho tsala lhobidi tsütsüghu puwuni, eno aküxüküa lhoxü I no lhophe keu kümtsü ayeghi hipau lono I no pühaveni.”

KUKAMI ATUGHIU 13:34

Axine hi no Jeroboam kibo shou ikughive, eno tipa ghenguno pa kibo ye ayeghi lono kütsa khave.

AHOLE 15:3

Ampeu nhethi ye a-a kümtsü lo alhoksami ngo akivimi jukuto acheni.

AHOLE 5:21

Kughengu timi küxü ye Ampeu zülo ithulu püqai, pa laghi kümtsü Pa no jukuto acheni.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

JEREMIYA 44:27

Julo, I no akivi kumono amhekiqi ghenguno panongu jukuto ani. Nongu Judahmi Egypt lo akemi kümtsü azütakikihi ngo püqümiye lono thive nani; ti ye nongu kümtsü kühave moke kutolo tishi nani.

JEREMIYA 46:28

O I qeu Jacob, msa kevilo, ipi Ampeu no sheshu, kughengu Ni ye o gholo ani. I no khile o hale puwuve keno, shiye ti kümtsü kütsave nani, ikemu nou ye qhoi kütsamoe. Ni ye kiu gholau nomu o ghime mono qhivemo nani, I no aghibiu lono o sakiyi nani.”

JEREMIYA 5:10

“Li tsaibo ajoshi akeu lo wuno kütsaleve lo, ikemu kishekhave tsü kevilo; li lokaqo kixive lo, kughengu panongu ye AMPEUw kumoe.

HOSIYA 1:4

Eno Ampeu no pa vilo pi, “Pa je ye Jezreel kutsülo, kughengu ado kitila thiu Jezreel lo aji pelekeu ghenguno I no Jehu kibolomi ghime nani, eno I no Israel shiaye kükaqha kishekhave tsü nani.

HOSIYA 1:6

Li no itaghi mishive no anga lakhi punu. Eno Ampeu no pa vilo pi, “Li je ye Lo-ruhama kutsülo, kughengu Ni ye Israel shiaye küpümo momu akipimi qhitsümo nani.

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

AMUS 3:12

Ampeu no piani, “Ambekheu no abongshuu kichi lono apukhu kini momu akinibo tüxa hakholu keshi, Samaria lo Israelmi akeqo ghi amekusho lakhü acheku lakhi eno alüpa tüxa gholono hakholu nani.

AMUS 7:17

Tighenguno Ampeu no ishi piani: “O nipu ye mishighüna lo kütüqhalimi shive nani, o tianuliqo ye azütakikihi lono ikiqive nani, o yeghi ye akimghi süta pesü kijethave nani; no ampi ye mithekumo yeghi lono thive nani, Israel ye mtsüqhei pa yeghi lono hakiphi sawuve nani.”

AMUS 9:10

Iw timi axinemi khunono, ‘Küsakusho ye ni haighimo momu ni sasü kushomo nani’ ipi cheni keno kümtsü azüta kikihi lono thive nani.

AMUS 9:4

Aghümi no panongu sasü akughu lo wuve namu, tilauno I no azütakikihi azah tsüno panoqo ghiqhive nani; Alo kelauno kumono alhoksa lono I no thüghüi panongu ju anani.”

ZAKINIU 4:31

Kughengu Ampeu nongu Lhou ye kimiyekini Lhou ke. Pa ye nongu qhivemo nani, kütsavemo momu no puasü sasü puloshoqhi shikeu kümsümave monani.

ZAKINIU 6:15

kughengu Ampeu nongu Lhou nongu gholo akeu ye anhekushu Lhou ke, Pa no nongu shou amloideve no ayeghi lono nongu püghave nosake.