AMUS 9:1 - Sumi Naga CL (Re-edited) Bible (BSI)

¹ Ampeu no akiptia phivilo puthugho akeu I no ithulu, eno Pa no pi: “Akisheqho no itha moke kutolo atsükuchoqo lo hepukulo, eno tino timi kümtsü kütsü shou ikughi pelo; eno achili thaqhü ye I no azüta pesü ghiqhiveni; panoqo khumu povemla nani; milakhimu itshüsü pomla nani.

BAIBEL (BSI)

¹ AMPEU no akumlla kiptia phivilo puthugho aghikeu ino ithulu. Pano ishi ahza tsu, “Achineki tsukuchoqo kunguu kudau ighono helo tishianguno akisheqho kuchopu ithape nike. Tipaqo suphove eno timiqo kutsulo iluqi iku pelo. Timi kutamiqoye aghukishi lono ino ghiqhi pithive nani. Khuumu wumla nani, khuumu pokawulumo nani.

AMUS 9:1 Iomraidhean Croise

YEKIKITHI AKINIU 18:18

Micaiah no pi, “Tighenguno Ampeu tsa inilo: Ampeu no Pa kükalakhü lo iqa, eno Paw kungumi no Pa u piyiu ngo ajeu puthugho akeu I no ithulue.

LESHELE 68:21

Ikemu akipimi laghi lo kicheu, Alhou no Pa ghümi boghe lo ghapuku tsü nani.

LESHELE 68:22

Ampeu no pi, “I no Bashan lono panoqo sachile ighi nani, I no azüghi kutho lono panoqo sachile ighi nani,

ISAIAH 30:16

no pie, “Moe! Ningu ye khurshi lono poveni”, “Khurshi kümthü sasü poveni”, ikehu nongu no ponani ikemu nongu hani kemiu no akümthüu shinani.

ISAIAH 6:1

Akükau Uzziah kithi mpe lo Ampeu no chuqumghaike-a lo Pa kükalakhü lo iqa aghikeu I no ithulu; Pa phishe no achineki nhape ae.

JEREMIYA 11:11

Tighenguno, Ampeu no ishi piani, Julo, I no amhekiqi panongu shou süghini cheni eno panongu ye pomla nani. Panongu no I lau ighamku namu Ni ye panongu sütsa inimo nani.

JEREMIYA 42:16

nongu no azütakikihi msa akeu huno nongu haluve nani, eno nongu no püqümiye jupe ighü akeu huno Egypt lo nongu pape ighive nani, eno nongu ye tilau no thive nani.

JEREMIYA 48:44

Aküighüpu lono pove keu no aqo lo ikiqi ilove nani, eno aqo lono ipeghilu keu no alichhe lono meluve nani. Kughengu I no Moab ghimeke mpe lo hipaqo süghi nani, ipi Ampeu no sheshu.

EZEKEL 1:28

Tsüghu ake tsalani khüngküsü lo milisü ju kimihi toi tipau ju ye yevüqai keu no vehomxape ae. Ampeu juküvü ju kimihi ye titoi ke. Kughou I no ti ithulu keno, I no agi pishiqho luve, eno asütsa lakhi I pütsa keu I no chilu.

EZEKEL 10:4

Ampeu juküvü cherub launo ikuve no achineki kulaghi küdau wuve, achineki lo khüngküsü no chhitoive, eno achebo ye Ampeu juküvü yevüqai keu no chhitoive.

EZEKEL 15:7

I no I gi kughope panoqo lachile nani. Panongu no ami lono pokaluve namu, ami no panoqo pitiqhive nani, eno kughou I no I gi kughope panoqo lachileni keno panongu no Ni ye Ampeu kepi ithi nani.

EZEKEL 9:2

Eno julo, khagho ahuu küdau no timi tsügho ighi, milakhikhi no pütüta u lo heqhi-ghiqhi chekeu ghünanu peche, eno panoqo gholo timi lakhi phepheike phi pepu ae, yepuku kepu pesü pa chita lo khapu ae. Eno panoqo no alou ilo no akümlla-khache alazayi no shikeu zülo puthugho luve.

AMUS 3:14

“Tipani I no Israel xine ghenguno pa ghime nani, Bethel lo akiptia ghime nani, eno akiptia lo akibo akeqo ye ikhipe ayeghi lo veqhive nani.

AMUS 7:17

Tighenguno Ampeu no ishi piani: “O nipu ye mishighüna lo kütüqhalimi shive nani, o tianuliqo ye azütakikihi lono ikiqive nani, o yeghi ye akimghi süta pesü kijethave nani; no ampi ye mithekumo yeghi lono thive nani, Israel ye mtsüqhei pa yeghi lono hakiphi sawuve nani.”

AMUS 7:9

Isaac kümlla topeqo ye kütsaleve tsü nani, Israel kümlla kiqo ye kütsapinyive tsü nani, I no azütakikihi pesü Jeroboam lagha mjo ithughi nani.”

HABAKUK 3:13

Nono Ow timi, nukishe luve keqo xaluni ke ghenguno wuke. Nono kixikila kibo lo atou chunuqhi, eno pa kütsü lono apukhu kutolo aphikümsa shivetsü.

ZEFANIA 1:12

Tipa ghuloki lo I no akulu pesü Jerusalem phuju nani, eno khunono akuchhoma shini, eno amlo lono, ‘Ampeu ye akivi mu alhoksa mu shimo nani’ ipini keno I no panoqo ghime nani,

ZEFANIA 2:14

Pichepighi eno tüghashi kümtsü no aphughi mta lo iqi ihozü nani; aqhaqho eno achequ thotsü liw qhemghaike chebo lo ngo nani; alashe lono igha nani; kütsakungo keu no ahukikha lo ngove nani; kughengu cedar sü no mlakeu ye muhumaive nani.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 1:32

Eno John no ishi thopi shi: “Kungugha lono Aghungu Kimthe no miqhedu toi iqighi no Pa shou ngokeu I no ithulue.

Apostolmi 26:13

O akükau, puchomghü lo ala lo chekelo atsütsü lono aküvü lakhi I no ithulu, ti ye khetsünhe küvü nguno vüqai, eno tino ni eno I gholo chekeqo süho luve.

JOSHUA 10:18

Joshua no pi, “Atuki kichi lo atu kije kulu sawo qhive no tile ghukhemi khami qhivelo,

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

Piyeküsü 8:3

Kungumi kütau lakhi no ameshoyi kiptibo peighi no akiptia lo puthughove, pa pelo kükalakhü zülo ameshoyi kiptia lono küpülümi kümtsü kighini süküqha no mlla penike müsüghüta kutomo pesü pa tsüpüa,