AMUS 8:9 - Sumi Naga CL (Re-edited) Bible (BSI)

⁹ “Tipa tsalani,” Ampeu Alhou no asheshu pi, “I no khetsünhe pelo puchou no ilovepe nani eno puchomghü lono ayeghi pesü aküzü shivetsü nani.

BAIBEL (BSI)

⁹ Ino tsukinhe pelo puchou aphi lono hailove eno puchou aphi lono ayeghiye zumoi kitheve kepu ghuloki sughini cheni. Ni, AMPEU Alhou no piqhi anike.

AMUS 8:9 Iomraidhean Croise

JOB 5:14

Panongu ye puchou aphi lono aküzü lo ilove cheni, eno puchomghü lono putho lo toi kükaju cheni.

ISAIAH 13:10

Kughengu atsütsü lo ayepu-ayesü no pano küvü tsümove nani; khetsünhe ipe chephi lono züchiyive nani, eno aqhi no pa küvü tsümove nani.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JEREMIYA 15:9

Anga tsüni paza no miqemleive no ikiqivae; li tsala ye puchou shiaphi lono tsüzüvae; li ye akukujopu eno atichepu shivae. Achili aghi keqo ye pano ghümi zütakikihi lono ikiqive peni, ipi Ampeu no asheshu.”

EZEKEL 32:7

Kughou I no no ikhiveni keno, I no atsütsü küzüve nani, eno ayepuqo zümoive tsü nani, I no khüngküsü pesü khetsünhe nhave tsü nani eno aqhi no aküvü tsümove nani.

AMUS 4:13

Kughengu julo, naghuto ngo amülhü lhophe keu, Pa kükümsü timi lau lheqhi keu, inaqhe pesü aküzü kughulhove, eno ayeghi kuchuqu lono chewu chekeu, Pa je ye Ampeu, aqokitikhi Lhou ke!

AMUS 5:8

Püghüno süpemi eno Ayenokilimi lhosü keu, tsüküzü pesü tsüküvü shivetsü, eno puchou pesü putho shivetsü, azüghi zü ku püzü ayeghi shou leqhitsü chekeu, Pa je ye Ampeu ke;

MICAH 3:6

Ikehu kungunhetsü kühano nongu ye zümoive nani, eno pichho keu kühano nongu lau aküzü ighive nani. Tungkupmi launo khetsünhe ilove nani, eno panoqo shou atsala no züchiyive nani;

ZEKHARIA 14:7

Ti ye Ampeu likhino ithi akeu akimchi tsala shinani, putho mu pucho mu kumokeu tsala, ikemu avelau no aküvü ighive nani.

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

MATTHEW 27:45

Tile puchou mta lono avelau ayi küthü kihe kutolo ayeghiqha kümtsü aküzü no nhaluve.

Mark 15:33

Puchou ayi chighikini kihelo, tipa ghakhu kümtsü ayikihedo küthü kutolo züchiyi ighive.

Luke 23:44

Puchomta lono phitsü kutolo tipa ghakhu kuchopu aküzü no nhaluve,

Piyeküsü 6:12

Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

Piyeküsü 8:12

Kungumi abidiu no pa fuko küigha kelo khetsünhe kikije küthü lo lakhi ye kütsave, titoi aqhi eno ayepuqo ghi küthü lo lakhikhi ye kütsaleve, tishikeu lono tipaqo küvü ghi kikije küthü lo lakhi ye zümoive, ikehu puchou pimu küthü lo lakhi ye khetsünhe küvü kühave, eno putho lomu lakhi ye aqhi ayepu küvü kühave.