AMUS 8:8 - Sumi Naga CL (Re-edited) Bible (BSI)

⁸ Hi ghenguno ayeghi ye itha moni keshea, tile akemi kümtsü mloqa moni keshea? Ayeghi kümtsü no Nile züghi toi fukucho ithughi no itaghi Egypt lo Nile züghi toi ikiqi ilo nani.”

BAIBEL (BSI)

⁸ Highenguno ayeghino itha nani, eno aghakhulo akemi kumtsu avekusa shi nani. Aghakhu kumtsu sukiniqhi nani; hiye Nayil ghoki toi iku puzu iluqive nani.

AMUS 8:8 Iomraidhean Croise

LESHELE 18:7

Tile ayeghi no khokhoshi eno itha thuve; naghuto boqha ghi süküghütha eno ithauve, kughengu Pa no axuideve ke.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

JEREMIYA 12:4

Ayeghi ye khitohi mloqa eno aluza lo atsüni ye khitohi ighüive anani kea? Tile küxümi lhoksa ghenguno tüghashi eno aghauqo ye pühavae, kughengu panongu no pi, “Pa ye hithiu ningu shekuho ithulumo nani.”

JEREMIYA 46:7

“Nile züghi fukukucho toi ithu chekeu ye khuu kea?

JEREMIYA 46:8

Egypt no Nile toi ithu cheni, azü fukukucho toi ithughi ani. Pa no pi, ‘I no ithughi no ayeghi khonha luve nani, I no mishighüna eno tipaqo lo küxümi kütsave nani.’

JEREMIYA 51:29

Ayeghi no khokhoshi eno aküsü lono ihi ani, kughengu Ampeu kimji Babylon yeghi pesü timi kühano küghüve tsünikeu ye shi ayae.

DANIEL 9:26

Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

HOSIYA 10:5

Beth-aven mishitsü julho ghenguno Samaria lo küxümi ye khokhoshi ani. Tilehi timi eno achinemi ghi tighenguno mloqa ani, panoqo no tipau jekipipu shou alovi acheke tipau ye panoqo launo wuvae.

HOSIYA 4:3

Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

AMUS 8:10

I no now tiqhetini pesü akumlo shivetsü nani eno nongu le kungo pesü amloksa le shivetsü nani; I no yeqhiyephi pesü nongu chita lo khatsü nani eno nongu kütsü lono asa miye khave tsü nani; anu lakhi akeu thive kelo mloqa ketoi shipe nani eno tipau shekuho ye kukhukimji tsala toi nani.

AMUS 9:5

Ampeu, aqokitikhi Lhou, Pa no ayeghi bukelo pitikümlave cheni eno tile akemi kümtsü no mloqa cheni, panoqo no Nile züghi toi ikughi eno itaghi Egypt lo Nile züghi toi iqüilove cheni;

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

MATTHEW 24:30

Tileno Timi Nu michipu atsütsü lo ipeghi nani, ayeghi lo ashiaye kümtsü no mloqa nani, eno Timi Nu no khüngküsü lo aküka eno ajuküvü kije lono chekeu timiqo no ithulu nani.