AMUS 8:5 - Sumi Naga CL (Re-edited) Bible (BSI)

⁵ “Nino athi jeluni ke kughou no aqhi kithe wove nani kea? Kughou no Sabbath wove nani kea? Tishianguno nino ashothi jelu, ahu kimghipu aghulo shive tsüno shekel no kutomo shivetsü eno ahu kichileu pesü pishiqhini ke,

BAIBEL (BSI)

⁵ Nonguno nolikhi novilo ishi picheni, “Ninguye akimthe tsalaqo wove penikeu khelho kutuke tishianguno niwu athi jelu nike. Sabat thiuno nino ame alau lu, ahu kichileu peithalu eno ahuu shikideveno qhuighikemi pishiqhini.

AMUS 8:5 Iomraidhean Croise

KUKAMI AKINIU 4:23

Li kimi no pi, “No ye kushiye ishi no pa lau wu masa kepu shive kea? Ishi ye Sabbath momu aqhi kithe pine kumoe.” Li no khochile, “Kumu kumoe.”

IPEKULU 31:13

“No ye Israelmi pütsa no pilo, ‘Kümtsü nguno alau Iw Sabbath ikhiluni, kughengu hi ye Ni eno nongu dolo tiqheli kümtsü lo amchipu lakhi ke, tishianguno nongu no Ni, Ampeu no nongu shikimthelu kepi ithi penie.

AHOLE 11:1

Ahu kuchokumo ye Ampeu zülo aphikümqhüpue, ikemu aqhemi shikeu huno Pa lokiqipu ke.

AHOLE 16:11

AMPEUw ahu eno ahu tu ye achipi ke, akimghipu lo ahu tu akeqo ye kümtsü Pa kümla ke.

AHOLE 20:23

Ahu tu aqhemi shimo keu ye Ampeu zülo aphikümqhüpue, eno ahu kichile ye alomoe.

ISAIAH 1:13

Adou kümllagho süghi kevilo; axokütsüngü ye I ghenguno aphikümqhüpue. Aqhi kithe, Sabbath eno aqoaho hekükütsü, alhoksa eno aqo hoho hipaqo Ni ye kutuu mlae.

ISAIAH 58:13

“Tsala nongu no Sabbath tsala lo nongu pukhu süchile aye, eno I kimthe tsala lo nongu shi pulou shinikeu lono süchile eno Sabbath tsala ye azüküvüpu tsala kepi aye, eno Ampeuw akimthe tsala ye gihuküzüpu kepi aye; tsala nongu no pulou laghi zümono, momu akümla shimo eno adou tsa küghamo no atsala tipau ikhilu aye,

HOSIYA 12:7

Alhikishimi khuu u lo pishikiqhi ahu pe ani keno, pa ye qhasüni keu no pa pulou.

HOSIYA 12:8

Ephraim no pivae, “Ah, ni ye kinimi; I sala küakini phuluvae; I kümla lo panongu ye I kipimi momu I xine ithumlae.”

ACHINE 19:36

Nongu ye akimghipu süta, ahu, ashoghi, eno abohu achipiu peithani: Ni ye Ampeu khuu Egypt lono nongu saipeghi keno, nongu Lhou huke.

ZEKHARIA 5:6

I no pi, “Ti ye kiu kea?” Pa no pi, “Hipau ye ashoghi lakhi ipeche keu ke.” Eno pa no pi, “Hi ye aghakhu kümtsü lo timiqo xineke.”

ZEKHARIA 5:8

Pa no pi, “Hi ye Küsakügha ke.” Pa no ashoghi lo li inasüve no ayi künha mishishei keu pesü tipau kichi nhave.

MALAKI 1:13

Ikemu nongu no, ‘Hi ye kiu makho kelae,’ ipi no akuchhoma shi cheni, aqokitikhi Mpeu no pi. Nongu no ngukangugha lono luvetsü keu eno kiu no lhonima momu aküsü akeno tipau pe akümllagho shi süghi ke! Tipaqo ye I no nongu u lono ikhilu kepu keshea? ipi Ampeu no pi.

AKIKIHI 10:10

Itaghi alhoaye lo tiqhetini eno aqhi kithe tiqhetini, nongu lokivi tsala hipaqo lo nongu no akipti kümllagho eno külakishi kümllagho tsükeu gholono afukoqo ighani. Tileno nongu Lhou no nongu kümsülu nani: Ni ye Ampeu nongu Lhou ke.”

Kolosiami 2:16

Tighenguno timi khunomu chuqu-kusho, tiqhetini, aqhi kithe, momu Sabbath pine ghenguno nongu shou küghathabe pekevilo.

SAMUEL ATUGHIU 20:5

David no pi, “Julo, thoghiu ye aqhi kithe pine eno ni ye akükau gholo aghulhu lakhü lo iqa masa nani. Ikemu I pelo wuve pelo, ni ye aküthüni avela kutolo aluza lo itshüveni.