AMUS 8:2 - Sumi Naga CL (Re-edited) Bible (BSI)

² Eno Pa no pi, “Amos, no ye kiu ithulu ani kea?” I no pi, “mütsü xathi ashoghi lakhi.” Tile Ampeu no I vilo pi, “Iw timi Israelmi shekuho ye ighivae; Ni ye khilemu panoqo juzü moae.

BAIBEL (BSI)

² AMPEU no pi, “Amus, noye kiu ithulu ani kya?” “Axathi ashoghi lakhike,” ipi ino khochile. AMPEU no ivilo pi, “Iwu timi Israilmi ghenguno kishekhave kepu ighivae. Niye panoqo ghimeqhiniye kumsupu akeu kilivemoake.

AMUS 8:2 Iomraidhean Croise

BOTHUBO 6:13

Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani.

ISAIAH 28:4

aghüma khila kütsü lo ighüive keu jukighilepu xamunu huye, tsüka tsala züuno amsüu shi nive keu mubuthi toive nani: kughou milakhi no ti ithulu keno pa u lo iloghi khavino chuve.

JEREMIYA 40:10

Niu ye Mizpah lo ngono Chaldeami no ighi kelo nongu züqhushi panongu zülo puthugho nani. Ikemu nongu ye atsaiji, mütsü tusho xathiqo eno thazü pekütsüpe nongu bohu lo kikelo, eno nongu no akeu mishighünaqo lo xülo.”

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

AKUMLO 4:18

Ni pukhune sükiqhe kümtsü timiqo no miqe kehu ni laghila lomu chewu mlae; ni tsala ye kihithavae; ni shekuho ye kupunuvae, kughengu niw kishekha ye ighivae.

EZEKEL 12:23

Tighenguno panoqo vilo pilo, ‘Ampeu Alhou no ishi piani: Aholetsa hipau I no kishekhave tsüni, eno Israel lo aholetsa shi hipau peitha move nani.’ Ikemu panoqo vilo pilo, Atsala ye kupunuvae, kungunhetsü kümtsü shikupu nani.

EZEKEL 29:8

Tighenguno Ampeu no ishi piani: Julo, I no o shou azütakikihi süghi nani eno ow timi ngo tüghashi ghiqhive tsü nani,

EZEKEL 3:10

Tinguno alau, Pa no I vilo pi, “Timi nu, I no o vilo piniye akeqo tsa kümtsü o mlo lo qhilulo eno o kini xükhope inilo.

EZEKEL 3:7

Ikemu Israel laghami ye o tsa inini ke pulomo nani, kughengu panongu ye I tsa inini ke pulomoe: kughengu Israel laghami ye kümtsü no kuthovi eno amlo mkake.

EZEKEL 7:6

Kishekha ye ighivae.

EZEKEL 8:12

Tithiu Pa no I vilo pi, “Timi nu, Israel lagha lo layemi no ajutho akeu chebo lo pütüta shelo aküzü lono kiu shi ani keno no ye ithulu akema? Kughengu panongu no pie, ‘Ampeu ye ningu ithulu amoe, Ampeu ye ayeghi hipau phevae.’”

EZEKEL 8:17

Pa no I vilo pi, “O timi nu, no ye hipau ithuluve akema? Israel laghami no aphikümqhüpu hilehi shi akeu ye thime aghulo lakhi kesheno panongu ye ngukangugha jeli ghi pesü no ayeghi hipau shepichhi eno itaghi I xukutho no alau I mlo shikighide ani kea? Julo, panongu ye ihulo keu shi I thaigha auvae.

EZEKEL 8:6

Eno Pa no I vilo pi, “Timi nu, panongu no kiu shi ani keno no ye ithulu anima, ti ye aphikümqhüpu kije Israel laghami no hile mlano I kimthe chineki lono putou I hapuwuve akeu no ye ithulu anima? Ikemu itaghi aphikümqhüpu alau nono ithulu nani.”

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

AMUS 7:8

Eno Ampeu no I vilo pi, “No ye kiu ithulu ania Amos?” I no pi, “akimghitu.” Tile Pa no pi, “Julo, I no Iw timi Israelmi gholo akimghitu qhitsü ani; Ni ye khilemu panoqo juzüve ghi hechewu kithemae;

AMUS 8:1

Ampeu Alhou no kiu I piye keno hike: julo, mütsü tusho xathi ashoghi lakhi.

MICAH 7:1

Ahaküsapu ye ni ke, kughengu ni ye mütsü tusho xathi xokütsüve kethiu toi, atsaithi kixipheve kethiu toi: atsaipho chukepu kühavae, I ngulho no puloniqhiyi chekeu mubuthi amsüu kühavae.

ZEKHARIA 5:2

Kungumi huno I vilo pi, “No ye kiu ithulu ania?” I no khochile, “Liküküzü kaku lakhi yechekeu ithulu ani. Ti ye akushulau auxakuchho muku, eno akijelau auxakuchho chighie.”