AMUS 8:12 - Sumi Naga CL (Re-edited) Bible (BSI)

¹² Timiqo no Ampeu tsa phusü azüghi lakhi lono lakhiu lo, eno ahuu no kipelau hu-woju nani kemu phulumo nani.

BAIBEL (BSI)

¹² Timiqoye ahuuno apeu kutolo itsusu wu nani eno kipelauno kulolau wunani. Aqha kumtsulo panonguno AMPEU launo ighikeu tsape phuju nani, ikemu panonguye tipau phumla nani.

AMUS 8:12 Iomraidhean Croise

AHOLE 1:28

Tishino panoqo no I ku nani, ikemu I no ini tsümo nani, panongu no müamzü I phu nani kemu phulumo nani.

AHOLE 14:6

Aqheküzami ye adou lono alokütsü phucheni ikemu vethakulumi ghenguno mlalei akighithi phulu cheni.

AHOLE 29:18

Khile tungkupu nhetsü küha keno shiye lakhi ye ghaküsü kühave cheni, ikemu Ayezah pelu chekemi ye akümghapue.

EZEKEL 20:3

“Timi nu, Israel lo layemiqo pütsa no pilo, Ampeu Alhou no ishi piani, Nongu ye I vilo ighijuni ye ighi ani keshea? I no xüake toi, Ampeu Alhou no asheshu, Nongu pelo I lau no ighiju pemo nani.

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

HOSIYA 5:6

Panongu no pano mbeloji ngo amishi loji sasü Ampeu phuniye wu nani, ikemu panongu no phumla nani; Pa ye panoqo launo tsüghüvae.

MATTHEW 12:30

Khunono I gholo kumo keno I külami, eno khunono I sasü hekumqo tsümo keno kütami hapupove cheni.

SAMUEL ATUGHIU 3:1

Anu Samuel ye Eli zülono Ampeu qe ache. Tipa ghuloki lo Ampeu tsa mpiche; papashi kungunhetsü ithulu keu kühae.