AMUS 7:6 - Sumi Naga CL (Re-edited) Bible (BSI)

⁶ Ampeu no hi süchileve tsü: “hi ghi shipe moae,” ipi Ampeu Alhou no pive.

BAIBEL (BSI)

⁶ AMPEU no pano kumsupu akeu itaghi kilive eno ishi pi, “Hipau ghi shipemo ake.”

AMUS 7:6 Iomraidhean Croise

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

YEKIKITHI ATUGHIU 21:15

Pa no Jerusalem kütsave penike kungumi hapuwuve, ikemu tishi mphi lono Ampeu no ithuluve no küsakusho süchileve. Pa no kütsakungo akeu kungumi vilo pi, “Tino lumkhavae, itehi ye o u süchilevelo.” Kungumi huye Jebusimi Ornan niqa lo puthugho ae.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

LESHELE 135:14

Kughengu Ampeu no Paw timiqo saphu nani, eno Pa qemiqo kimiyeqhiyi tsü nani.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 90:13

Ideighi lo, O Ampeu! Khitohi kea? O qemiqo shou kikimiye alo!

IPEKULU 32:14

Ikehu Ampeu no Paw timi lau amhekiqi süghini pi akeu süchileve.

JEREMIYA 26:19

Judah kükau Hezekiah eno timiqo ye pa pithive keshea? Pa ye Ampeu sümsa eno Ampeu pulou qhüiniju ke, Ampeu ye amhekiqi panongu shou pi püakeu süchileve ke kumo? Ikemu ninguu ye ni shou ahaküsapu kije süghini cheni.”

JEREMIYA 42:10

Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.

JOYIL 2:13

eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

AMUS 7:3

Ampeu no hi süchileve tsü: “Hi ye shipe moae,” ipi Ampeu no pive.

AMUS 7:7

Ampeu Alhou no kiu I piye keno hike: julo, Ampeu ye akuptu lakhi akimghitu no müzüchoi mighi no shikeu phivilo Pa u lo akimghitu pesü puthugho aghi.

JONAH 3:10

Kughou panongu no küsakügha laghi lono xaide ighi akeu Alhou no ithulu keno, Pa no panoqo lau amhekiqi süghini piakeu süchileve, eno Pa ye tipau shimove.

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

XAKUTHAMI 10:16

Tishino panongu no inami lhouqo ikhipe peve no Ampeu mlla; ikelo Ampeu no Israelmi ghime jupe kutuu mlave.

XAKUTHAMI 2:18

Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.