AMUS 7:17 - Sumi Naga CL (Re-edited) Bible (BSI)

¹⁷ Tighenguno Ampeu no ishi piani: “O nipu ye mishighüna lo kütüqhalimi shive nani, o tianuliqo ye azütakikihi lono ikiqive nani, o yeghi ye akimghi süta pesü kijethave nani; no ampi ye mithekumo yeghi lono thive nani, Israel ye mtsüqhei pa yeghi lono hakiphi sawuve nani.”

BAIBEL (BSI)

¹⁷ Ike AMPEU no no Amaziya vilo piani, ‘Onipuye alaghilalo kutuqhalimi shiwuve nani eno otianuliqoye aghushi lono thi nani. Noghakhuye kijeveno kutami tsuve nani, eno noye akumthami inagha lono thive nani. Israil lo akemiqoye pano yeghi lono sawuve puzu hapuwuve nani.’ ”

AMUS 7:17 Iomraidhean Croise

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

LESHELE 78:55

Pa no panoqo zülono shiyeqo hapheve tsü; Pa no amheghi panoqo sala kutotsü eno Israel shiayeqo pelo pano phiki lo küghüna luvepe.

ISAIAH 13:16

Panoqo nipu shipütha, aki xüve tsü eno angakughunuqo pano nhethe lono chisheqhi nani.

ISAIAH 22:18

küzüqhi apüzü atumlo toi o kihipe aqa yeghi lo vepuwuve nani. Tilauno no ye thive nani, eno o qheküzapu shiche keu khurkulu huye o mpeu kilo tichetighepu shi nani.

JEREMIYA 14:16

Eno timi khunoqo lau panongu no tungkuptsa pi cheni keno tipaqo ghi püqümiye ngo azütakikihi no Jerusalem laghila lo vepheve nani. Panongu nipu momu apu-anga khunomu pano shiqhomo nani. Kughengu I no pano lhoksa pesü pano shou lepuku nani.

JEREMIYA 20:6

Eno no Pashhur ngo Ampeu kilo kungomi kümtsü akughu lo wuve nani. No eno o küsami khunoqo vilo nono kichile tungkuptsa piche keno kümtsü Babylon lo wuve no tilauno thive no tilau qhove nani.”

JEREMIYA 28:12

Hananiah no tungkupu Jeremiah kuo lono kuokhasü hephove tsü kethiu ado kushuo kumo lo Ampeu tsa Jeremiah lau ighi:

JEREMIYA 28:16

Tighenguno Ampeu no ishi piani: ‘Julo, I no ayeghi lono no ikhive nani. No ye hipa mpe lono thive nani, kughengu no ye Ampeu hekibide tsa pivae.’”

JEREMIYA 29:21

‘Aqokitikhi MPEU, Israel Lhou no I je lono tungkuptsa pi akeu Kolaiah nu Ahab eno Maaseiah nu Zedekiah pama ghenguno ishi piani: Jualo, I no pama pesü Babylon kükau Nebuchadnezzar u lo süvetsü nani, eno pama ye nongu nhethe lono ghiqhive nani.

JEREMIYA 29:25

“Aqokitikhi MPEU, Israel Lhou no ishi piani: Nono o je lono yesü yepe Jerusalem lo timiqo lau eno Maaseiah nu, achineu Zephaniah ngo achinemi kümtsü lau puwu no pike,

AKUMLO 5:11

Judahw mishiphuqo lo ililhothe eno Zion lo totimiqo pesü shipütha ani.

EZEKEL 4:13

Ampeu no pi, “Israelmi ye shiye khunoqo lau I no panoqo hapuwuveni keno tilau no hitoi panow mithekumo chuqupu chunani.”

HOSIYA 9:3

Panoqo ye Ampeu yeghi lo ngope move nani, ikemu Ephraim ye Egypt lo idewove nani, eno panoqo no Assyria lo mithekumo chuqupu chunani.

AMUS 6:7

Tighenguno itehi ye nonguu paghino akughu lo wunani, eno now tiqhetini ngo aghulhu ghi kishekhave nani.”

AMUS 7:11

Kughengu Amos no ishi piani, “Jeroboam ye azütakikihi lono thive no Israel ye hakiphi sasü pano yeghi lono kushuo lo wuve nani.”

AMUS 8:1

Ampeu Alhou no kiu I piye keno hike: julo, mütsü tusho xathi ashoghi lakhi.

AMUS 9:1

Ampeu no akiptia phivilo puthugho akeu I no ithulu, eno Pa no pi: “Akisheqho no itha moke kutolo atsükuchoqo lo hepukulo, eno tino timi kümtsü kütsü shou ikughi pelo; eno achili thaqhü ye I no azüta pesü ghiqhiveni; panoqo khumu povemla nani; milakhimu itshüsü pomla nani.

AMUS 9:8

Julo, Ampeu Alhou nhethi ye axine kükaqha ju ani, I no ayeghi lono ti kütsave nani ikemu Ni ye Jacob lagha qhoi kütsaleve monani,” ipi Ampeu no asheshu.

MICAH 1:16

Nongu züküvüpu tianuliqo ghenguno nongu kütsüsa tsave no boghesho shivelo; alhuqu lakhi toi miyeboive lo, kughengu panongu ye nongu launo haphe sawuve nani.

ZEKHARIA 14:2

Kughengu Jerusalem sasü aghüshi penike I no shiye kümtsü hekütsü nani, eno mishighüna ye leluve nani, akiqo xulepuwuve nani, eno totimiqo shipüthave nani. Mishighüna lo küami tüxa ye akughu lo sawuve nani, ikemu achili thaqhü ye mishighüna qhimo nani.