AMUS 5:6 - Sumi Naga CL (Re-edited) Bible (BSI)

⁶ Ampeu phu no aküxüpu shilo, tikumo aye Pa no ami toi Joseph lagha piti ighive, eno khumu Bethel ghapinhe mlano qhoi pitive nosae,

BAIBEL (BSI)

⁶ AMPEU lau wulo eno nonguno xulu nani. Nonguno pa lau wumo aye pano Israil lo akemiqo shou ami toi jole iqighi nani. Amino Bethel lo akemiqo pitileve nani eno khunomu tipau pinhe mla nani.

AMUS 5:6 Iomraidhean Croise

SAMUEL AKINIU 19:20

Kughengu I no axine shivae pi ithi ani. Tighenguno, ishi tsala lo I no Joseph lagha lo atüghüu shi I mpeu akükau lau ighi ani.”

KUKAMI ATUGHIU 11:28

Jeroboam ye ighono shitsami kehu Solomon no pa kümla küka ithulu no pa pelo Joseph laghami shou anguka lono mla akemi shou ampi shipe.

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

LESHELE 27:8

Nono pi, “I phuighi lo.” I mlo no O vilo piani, “I no O phuighi ani, Ampeu.”

LESHELE 69:33

Kughengu Ampeu no aveküsami tsa ini tsü cheni eno Paw timi akughumi jukünathave chemoe.

IPEKULU 22:6

“Tsala ami ipeghi no tino atsüni pitisü athi kumqo püakeu momu aghibo momu aluza pitileve tsü aye, khuu no ami sü keno, pa no akuchopu lochileni.

ISAIAH 1:31

Akumtomi no asükügha toi, pa kümla no aghijini toi, khunomu ghapinhemla no kinikujo piti küqhave nani.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

JEREMIYA 38:20

Jeremiah no pi, “O pesü panongu tsümo nani, I no kiu o vilo pi ani keno itehi Ampeu tsa lulo, tishiaye o ghenguno akivipu shinani eno o küxü ghülu nani.

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

EZEKEL 21:3

eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 37:19

panoqo vilo pilo, Ampeu Alhou no ishi piani: Julo, Ni ye Joseph süta (ti ye Ephraim u lo ani) eno Israel shiayeqo pa sasü kütshükime akemi ikhiluni ye shivae. I no tipau pesü Judah süta gholo kimeve nani, eno tiküma ye lakhi shive nani, tishianguno tiküma ye lakhishi I u lo ngove nani.

AMUS 3:14

“Tipani I no Israel xine ghenguno pa ghime nani, Bethel lo akiptia ghime nani, eno akiptia lo akibo akeqo ye ikhipe ayeghi lo veqhive nani.

AMUS 5:14

Alhoksa kumono achipiu phulo, tishi aye nongu ye xülu nani: eno nongu no piche ketoi Ampeu, aqokitikhi Lhou no nongu gholo anani.

AMUS 5:4

Kughengu Ampeu no Israelmi vilo ishi piani: “I phulo eno aküxüpu shilulo;

AMUS 6:6

Nongu no akulhobo lono aji sho eno thazü akiviu pesü nongu ampi nukishe cheni, ikemu Joseph kütsave keu ghenguno mloqa moe!

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

ZEKHARIA 10:6

“I no Judah lagha shikumto nani eno I no Joseph lagha xalu nani. I no panoqo kimiyeqhiyi kehu panoqo saideghi nani, eno panongu ye I no mili püaghimo ketoi nani, kughengu Ni ye Ampeu pano Lhou eno I no panongu khochile nani.

ZAKINIU 32:22

Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.

ZAKINIU 4:24

Kughengu Ampeu nongu Lhou ye amiküqü eno anhekushu Lhou ke.

JOSHUA 18:5

Panongu no tipau saje tsüni shi kijetha peni, Judah no pano yeghi apeu tishi ngolo eno Joseph no ahuu pano yeghi lo tishi ngolo.