AMUS 5:18 - Sumi Naga CL (Re-edited) Bible (BSI)

¹⁸ Khunono Ampeu tsala laju cheni keno ahasapue! Kushiye ti kheni kea? Ti ye aküzü thono aküvü kumoe,

BAIBEL (BSI)

¹⁸ Nongu khunoqono AMPEU tsala mineqhiyi acheni keno tipaqo hakusapuke! Nonguye kushiye AMPEU tsala anishi ani kya? Kughengu tiye zumoikeu tsala shi nani kethono akuvu ke kumoe.

AMUS 5:18 Iomraidhean Croise

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

ISAIAH 24:18

Aküighüpu sütsa chilu kehu pove namu aqokutho lo ikiqive nani, khuana no aqokutho lono ipeghilu namu alichhe lono meluve nani. Kughengu atsütsü lashe ye khaqhi püani eno ayeghi boqha huno thüthüshi anie.

ISAIAH 5:19

khunono “Nino Ampeu kümla chhejuni ke Pa pelo mtazü mlaju pelo; nino ithini ke Israelmiw Akimtheu kimji süghiju lo!” ipi cheni keno ahasapue.

ISAIAH 5:30

Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

ISAIAH 58:2

Panongu ye achipiu-mikucho papeche keu shiye shi aghi kepu toi, momu Alhouw küghakütha milivemo kemi toi, Ghulo atsütsü I mlla acheni, eno I laghi ithini keu lo azüvü acheni, panongu no I vilo achipiu xakütha iniju ke; eno azüküvü shi Alhou lau kupunu wuke.

ISAIAH 8:22

no ayeghi lo juqhi nani kemu aveküsa ngo aküzü, eno ime kelauno khümüi keu likhive nani; eno panongu ye aküzü kutho lo vesüve nani.

ISAIAH 9:19

Aqokitikhi MPEU loghu no ayeghi pitivae, süküghüpu sü toi timiqo piti ani, eno khumu khuu püxülu amovae.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JEREMIYA 17:15

Julo, panongu no I vilo pi, “Ampeu tsa khile ani kea? Itehi ighi pelo.”

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

EZEKEL 12:22

“Timi nu, Israel yeghi lo nongu no aholetsa hipau, ‘Atsala ye kushuo, eno kungunhetsü ye shikupu movae’ ipi chekeu ye kiu kea?

EZEKEL 12:27

“Timi nu, julo, Israel laghami no pie, ‘Pa no kungunhetsü ithulu keu ye ghulo kütau ghenguno ke, eno hithiu ado kushuo lo ghenguno ke.’

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

JOYIL 2:10

Panoqo zülo ayeghi no ithae; atsütsü no khokhoshie. Khetsünhe ngo aqhi no zümoive, eno ayepuqo no aküvü tsümove.

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

Obadiah 1:15

Kughengu Ampeu tsala ye shiye kümtsü kupunuvae. Nono mlake toi o lau mla nani; o kümla ye o kütsü lo ideikughi nani.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

ZAKINIU 32:24

panongu ye akhüava no thinani, eno kitixeküsü ngo tüghükupu püsa no püghale nani; I no panongu lau tüghashiqo puwu nani, eno tüghükupu pighi puwu nani.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

2 Peter 3:4

Panongu no pi nani, “Pa ighi nanie piche keu shoqhi ye khilave akea? Kughengu apuasüqo no thive kelono ishi kutolo thokha kümtsü pulhoküsü lono acheghi keu atho aphie.”