AMUS 5:14 - Sumi Naga CL (Re-edited) Bible (BSI)

¹⁴ Alhoksa kumono achipiu phulo, tishi aye nongu ye xülu nani: eno nongu no piche ketoi Ampeu, aqokitikhi Lhou no nongu gholo anani.

BAIBEL (BSI)

¹⁴ Achipiuye kiu keno tipau shini thono alhoksa shikevilo, tishianguno nonguno xulu nani. Tishiaye, AMPEU Aqokitikhi Lhou no nongu gholo anani, tiye nonguno piachekeu toi.

AMUS 5:14 Iomraidhean Croise

BOTHUBO 39:23

Joseph no ghatou shikeu vehu lo akughu kheu ye kiumu alomsü moe, kughengu Ampeu no pa gholo ake. Eno pa no kiu shi keno kümtsü lo Ampeu no tokulu shilupe ke.

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 97:10

O nongu Ampeu kimiye chekemi, alhoksa mithilo! Pa no Paw akimthemi küxü pükhalu cheni; Pa no küsaküghami u lono panoqo xalu nani.

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

AHOLE 11:27

Müamzü akivi phu chekemi no Alhou mlo chulu cheni, ikemu alhoksa phuche kemi ye alhoksau phulu cheni.

ISAIAH 55:2

Kushiye asho lono kumono kütau lono pisa peveni kea? kushiye kiumu aghapiqimla keu lo mlapuku ani kea? Tsaqüi I tsa inilo eno kiu no akivi keno ti chulo, eno achuqupu kivi pesü nongu lopivilu lo.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

AMUS 3:3

“Pulokilemo kelo mikini ye kümtsa chewu luni keshea?

AMUS 5:6

Ampeu phu no aküxüpu shilo, tikumo aye Pa no ami toi Joseph lagha piti ighive, eno khumu Bethel ghapinhe mlano qhoi pitive nosae,

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

AKIKIHI 16:3

Panongu no Moses ngo Aaron zülo kumqo luve püzü pama vilo pi, “Nokujo ye ihulovae! Kughengu ahohomi kümtsü no akimthemi ke eno Ampeu ye ningu kümtsü gholo anie. Tighenguno nokujo ye kushiye nokujo likhi nokujo pesü AMPEUw ahohomi kütamiqo nguno akiqheu kepi pükha ani kea?”

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

2 Tim. 4:22

Ampeu no o ghungu gholo apeniu. Ampeuw Küpükini no o gholo apeniu.

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”