AMUS 5:12 - Sumi Naga CL (Re-edited) Bible (BSI)

¹² Kughengu no xine ye khije eno kishi kije keno I no ithi ani— nongu no achipiu mikuchomi kijipüsa, külügho lu, eno khagho lo aveküsami juzüve chenie.

BAIBEL (BSI)

¹² Nongu xineye kiutoi akumsapu eno nonguno heqhi buqhi pithikeu khijejehi shipuani keno ino ithi ani. Nonguno timi kivimi shikimighi cheni, kulugho lu cheni, eno kughakutha-alo kumlhomino amikucho xakutha ithulu kepushi akeu nonguno lakha cheni.

AMUS 5:12 Iomraidhean Croise

JOB 20:19

Kughengu pa no kumlhomi nedaqhi eno jumove; eno pa no shiqhe pukumo keu ki süxaluve tsüke.

JOB 31:21

tsala khagho lo I ngulami ithuluke ghenguno I no mighimi shou I u chho püaghi aye,

LESHELE 127:5

Khuu no pa piji bohu lo tipaqo chhitoi ani keno pa ye alokivipue! Kughou pa no khagho lo aghümi sasü küptsani keno pa ye kujovemo nani.

IPEKULU 23:3

momu no ye kumlhomi tsa kükügha lo pa lau agi jumoni.

IPEKULU 23:6

“Atsa kükügha lo no ye kumlhomi launo pa chipiu tuchighive tsümoni.

AHOLE 17:8

Khuu no külügho tsücheni keno pa ye aghatu kipighimi no kinikülü shilu nanie pi kümsü chekeu paphie.

AHOLE 22:22

Kumlhomi ke shiaghi kehu paw süxa luve tsü kevilo, küghakütha-a lo shilusa akeqo chunudaqhi kevilo,

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 10:2

Iw timi kumlhomi chipiu luvetsü, aghibiu lono küghatha tsümono chimemi ngo mighimi pükaqhi niye panongu no tishi cheni!

ISAIAH 29:21

alatsa pesü pimimo kemi kitime, küghaküthau laghi lo alichhe shi, akimki pesü achipiu tuchighive chekemi kümtsü kütsave nani.

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

ISAIAH 47:9

Atüqhüdo kini o lau ighi nani paikhavi no atsala lakhi lono ighi nani; nono küdüu jeli peithaju anamu eno asakiqhi kumto anamu atianuli thive keu ngo chimemi shive keu küma ighi nani.

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

ISAIAH 66:18

“Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

JEREMIYA 29:23

kughengu panongu no Israel lo kixikila thime mlae, panongu no pano kisüghümi nipuqo sazüe, tishino I no azah tsümo keghi I je lono akimki tsa piani. I no ithi ani, eno I no thopi ke, ipi Ampeu no sheshu.’”

AKUMLO 3:34

Ayeghi lo akughumi kümtsü apukhu no munudaveni keu,

EZEKEL 13:22

I no amikuchomi püqapunu mo keghi nongu no akumou lono amikuchou ghüthi püsüve tsü, eno kixikilami shikumto no pa pelo kixikila laghi lono tsüghü idelu no pa küxü xalu pemoke ghenguno

HOSIYA 5:3

I no Ephraim ithi ani, eno Israel ye I launo itshümlae; O Ephraim, itehi kutolo no ye kütüqha aphi; Israel ye shi kuchhubevae.

AMUS 2:16

aghütomi dolo khuu no amlo kumtou keno tipa tsala loye aphi kümsa pove nani,” ipi Ampeu no shuphe ani.

AMUS 2:3

I no pa launo yepeu ikhivetsü, eno paw kükapumi kümtsü pa gholono pithive nani,” ipi Ampeu no piani.

AMUS 5:10

Panongu no khagho lo shikithetsü kemi mithi, eno kuchou tsa pi kemi jukuchhube cheni.

AMUS 5:7

O nongu achipiu tuchighipe kukhukimji sübo toive tsü eno amikucho pe ayeghi lono nedaqodave tsü chekeqo!

AMUS 8:4

Hi inilo, nongu aveküsami nedaqoda chekeqo eno aghakhu lo kumlhomi kütsaveni ye pi chekeqo,

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

Apostolmi 7:52

No puasü no kijipüsa mokeu tungkupmi khunoqo ani kea? Amikuchou chenie pi azünatha pitsü kemi panongu no pithive. Eno ishi ye nongu no pa thechuve no heqhive,

ZAKINIU 16:18

“Ampeu nongu Lhou no nongu tsü akeu phughi kümtsü lo küghaküthami ngo hiyampemi alagha kiqi lono süküsü shipe qhilo, eno panongu pelo kuchou xakütha timiqo tsü pelo.

ZAKINIU 31:21

Eno kughou alhoksa ngo shiluküsa kutomo panongu shou ikughini keno, ale hipau no pano shou thopi shinani (kughengu ale hipau ye kümsüma mono pano tianuli gholo ache nani). Kughengu I no panongu sailo chekeu yeghi lo panongu ye kiu shive nani keno, ishi nomu Ni ye ithi ani.”

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

James 5:6

Nongu no pimimo keu kileqhive no ghiqhivae. Pa ye nongu mjochile chemoe.

RUTH 4:1

Tithiu Boaz ye khagho lo iqhove no tile iqave. Eno julo, xachilekuluu khuu ghili Boaz no pi akeno, pa ighive. Ikehu Boaz no pi, “Tsüghü ighilo, aküsau; hile iqalo.” Pa no tsüghü ighi no iqave.

SAMUEL ATUGHIU 8:3

Ikemu pa nuli ye pa laghi lo chemove no ala shinikeu laghi lo wuve. Panongu no külügho lu eno kuchou xakütha tuchighive tsü.