AMUS 5:11 - Sumi Naga CL (Re-edited) Bible (BSI)

¹¹ Kughengu nongu no kumlhomi nedaqoda eno pa launo athi zame luve chenike ghenguno, nongu no heküthatu ki shiqhe püaghi namu, nongu ye tile ngomla nani; nongu no alo kepushi atsailu chi ani kemu nongu ye tipaqo tsaiji shomla nani.

BAIBEL (BSI)

¹¹ Nonguno kumlhomi qoda cheni eno pano thi suxaluve cheni. Tighenguno nonguno atu pesu aki kivi shipuakeulo nonguye ngomla nani momu atsayilu kivi nonguno chipe puakeu lono atsayiji shomla nani.

AMUS 5:11 Iomraidhean Croise

JOB 20:19

Kughengu pa no kumlhomi nedaqhi eno jumove; eno pa no shiqhe pukumo keu ki süxaluve tsüke.

ISAIAH 16:10

Alokivi eno ahukülü ye kinikülü lu lono süwuvae, atsailu lo alovi igha ale phemovae; atsaizü kümlau no tsüghü movae; alokivi ghügha ye kishekhavae.

EZEKEL 26:12

Panongu no o küakini xülepe wuve nani eno ow lhidi nhemgha xupuwuve nani. Panongu no o tupikiye kuboleve tsü nani eno o lokughunopu ki kütsave tsü nani. Ow atu, asüpa eno ayeghi ye panongu no azü lo vesüve tsü nani.

EZEKEL 34:21

Kughengu panoqo no inaghau apanagha wuve moke kutolo nongu no nongu kibo pesü miqemlei kemi kümtsü shoqhi eno tuha no qodaqhi kehu,

HOSIYA 9:2

Aniqa eno aji tughuko ye panongu loji khamla nani, eno aji kithe ye panongu ghapiqi tsümla nani.

ACHINE 26:16

I no hitoi nongu lau shi nani: shithüghüi keu, anhethi kighicheve tsüno amlo küsapu shipivimla keu küsü nongu lau süghi nani. Nongu no adou lono apiti xusü nani, kughengu tipau pekighi ye no ghümi no chuve nani.

AMUS 2:6

Ampeu no ishi piani, “Israel xine küthü ghenguno eno bidi ghenguno, Ni ye aghime süchilemo nani; kughengu pano no ghükayi ghenguno amikuchomi jechuve, eno apukhuqho ghenguno kumlhomi jechuve.

AMUS 2:7

Panongu no ayeghimkhu lono kumlhomi kütsü qoda eno iju akemi la tutsüghüve tsü; anu ngo apu pama gha aqelimi lakhi sazü no I je kimthe shikitiqe ke;

AMUS 3:15

I no süsü ki gholono mütsü ki ghi kütsave tsü nani, akühahu ki kuboleve tsü eno akighiki xaleqhive tsü nani,” ipi Ampeu no shuphe.

AMUS 3:9

Ashdod eno Egypt yeghi lo sükusho-aqo lau asheshu lo, eno pilo, “Samaria naghutoqo lo nongu hekütsülo, eno timiqo no shishe ighamku akeu, pano dolo nedaqoda kile akeu julo.”

AMUS 4:1

“Nongu Bashan mishiqo, khunono Samaria naghuto lo ani keno, kumlhomi qhasü, aveküsami chunudaqhi, nongu kimiqo vilo, ‘Nino aji shonike süghilo,’ ipiche keqo, atsa hipau inilo!

AMUS 6:11

Kughengu julo, Ampeu no azah tsü cheni, eno aki kuloghi ye hepholeve no kubopinyive nani, eno aki akulotiu no mukhumuno shive nani.

AMUS 6:12

Khurshi ye atuqu shou no pocheni keshea? Amshitsü sasü azüghi hokide cheni keshea? Ikemu nongu no kuchou-xakütha pesü tüghü shivetsü eno achipiu-mikucho xathi pesü kukhukimji sübo shivetsüe—

AMUS 8:4

Hi inilo, nongu aveküsami nedaqoda chekeqo eno aghakhu lo kumlhomi kütsaveni ye pi chekeqo,

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

MICAH 1:6

Ikehu I no Samaria pesü xine-xigha pekilepu-a shive tsüni, atsaibo shokepu-a shive tsüni, eno li tuquqo pesü akhila lo kulu piqive tsüno li boqhaqo xaleve tsü nani.

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

MICAH 6:15

Nongu no shosü nani kemu xolumo nani; olive tsüghü nani kemu thazü pesü nongu nukishe monani; nongu no atsaithi tsüghü nani kemu atsaiji yemo nani.

ZEFANIA 1:13

Panongu küakini xüvetsü nani, eno panongu ki kütsave tsü nani. Panongu no aki shipüaghi namu, panongu ye tilehi ngomo nani; pano no atsailu chi aghi namu, tipau tsaizü yelumo nani.”

HAGAYI 1:6

Nongu no kutomo xusü kemu aghulo likhi ghile hulue. Nongu no chucheni kemu lukümkha kühae; nongu no sho cheni kemu aghapiqilu chemoe. Nongu no pepu mini cheni kemu khunomu lüvüilu chemoe. Eno khunono aqe qelu cheni keno pewo süqhu küixü lo süve chenie.

MALAKI 1:4

Tsala Edom no, “Ningu ye kütsalevae ikemu ningu no tipaqo shiqhe kitheni,” ipi aye, aqokitikhi Mpeu no, “Panongu no shiqhe anamu I no xaleqhive tsü nani, panongu pesü ‘küsakügha ghakhu,’ eno ‘pülhapuju Ampeu mlokighide ye timi hipaqo shou ani,’ ipi nani.”

ZAKINIU 28:30

Nongu no anipu inisü nani, ikemu kütami no li shipüthave nani. Nongu no aki shipe qhinani, ikemu tile ngolumo nani. Nongu no atsailu chinani ikemu tipa xathi chumo nani.

James 2:6

Ikemu nongu no kumlhomi gihu movae. Kinimiu no nongu nedaqoda eno küghakütha-a lo nongu sünhe sawu cheni kekumo?