AMUS 4:6 - Sumi Naga CL (Re-edited) Bible (BSI)

⁶ “Now mishighüna kümtsü lo I no ahu kimthe pesü tsüe, eno no kungo-a kümtsü lo asho küpüqü tsü keghi nongu ye I lau ideighi moe,” ipi Ampeu no pi.

BAIBEL (BSI)

⁶ “Nongu phughi kumtsulo puqumiye sughikeu huye inoke ikeghi nonguye ilau xaideghimoke.

AMUS 4:6 Iomraidhean Croise

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI ATUGHIU 18:2

Elijah no Ahab zülo wu. Tipa ghuloki lo Samaria lo ighono püqümiye ae.

KUKAMI AKINIU 4:38

Kughou aghakhu lo püqümiye akeno, Elisha no Gilgal lo ighi. Tungkupmi loji no pa zülo iqa akelo, pa no pa qeu vilo pi, “Ali kije lono akulhozü shipe panongu piyelo.”

KUKAMI AKINIU 8:1

Elisha no aza khuu nu xüputhu tsü keno, li vilo pa no pi, “Ithulo, eno kibolomi sasü khile khilemu ado hami ghenguno ngo kepushi wuve lo, kughengu Ampeu no hipa ghakhu lo ampe tsüni püqümiye puwuni cheni.”

YEKIKITHI AKINIU 28:22

Paw shiluküsa ghuloki lono pa ye alau Ampeu lau amikucho shimove, hi ye akükau Ahaz ghili pi anike.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

ISAIAH 3:1

Kughengu julo, aqokitikhi Mpeu no Jerusalem ngo Judah lono timi no pükhüpe ache keu asho eno azü qhoi pewu cheae,

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

ISAIAH 9:13

Ikemu timiqo no aqokitikhi MPEU, pano ghime keu lau xaidemo eno inijumoe.

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 16:27

Tighenguno julo, I no I u chhopuwo no o lachile eno o saje kotha tsükeu kümghüve tsüae eno Philistiami ngaqo, khunono ow ghaghu ghale ghilisüqe ghenguno kujove akeno, o ghümi tipaqo lakimne lo no ikhiphepe tsüvae.

HOSIYA 11:5

Panongu ye Egypt yeghi lo idewomo nani, ikemu Assyria no pano kükau shive nani, kughengu panongu no I lau ideighini keu milive.

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

JOYIL 1:16

Ningu nhethe lono achuqupu süwuve, eno Ampeu ki lono alokivi ngo amloqi qhiyi keu ikhipe wuve tsüake kumo?

ACHINE 26:23

“Aghime hipaqo vecheo nongu no I lau ighimo no itaghi I mjochile auve aye,

ACHINE 26:26

No chuqupu laghi I no hekhave tsü kelo, totimi chighi no amiphoki lakhi lono asho shino aphiphi shi kije nani, nongu no tipau chukhave namu müzüthi nani.

HAGAYI 2:17

I no nongu eno nongu no aghimeshi mlaphe keqo kümtsü akhumu, akughumho eno mürasü pesü kütsave tsü, ikeghi nongu ye I lau ideighi moe, ipi Ampeu no asheshu.

ZAKINIU 28:38

Nongu no apiti kutomo yisü nani ikemu aghulo likhi ghilehu nani, kughengu tülhaqu no chuvetsü nani.

Piyeküsü 2:21

I no li pelo xaidelu penike ado tsü kemu li ye asalha xine lono xaideni keu milive ke.

RUTH 1:1

Xaküthami no ayepe cheke ghuloki lo aghakhu lo püqümiye lakhi ighi, eno Judah lo Bethlehemmi lakhi ye Moab ghakhu lo pa nipu eno pa nu kini sasü wuve.