AMUS 4:10 - Sumi Naga CL (Re-edited) Bible (BSI)

¹⁰ “Egypt lo toi I no nongu shou püsa puwu no azütakikihi pesü now lhothemiqo pithive, eno now khurshi süxape wuve, nongu ghazü lo akumo kümna pesü nongu nigi lo sütsü; ikeghi nongu ye I lau ideighi moe,” ipi Ampeu no pi.

BAIBEL (BSI)

¹⁰ “Ino Ijipmi shou pusa puwukeu lakhi toi nongu shou ghi puwuke. Ino aghukishi lono nowu lhothemi ghiqhi pithivetsuke eno nowu khurshiqo suwuve tsuke. No ghunoalo kithimi kumono tsu muna keuno nongu nigi chhivepeke. Tishi keghi nonguye ilau xaidechile ighimoe.”

AMUS 4:10 Iomraidhean Croise

KUKAMI AKINIU 10:32

Tipa ghuloki lo, Ampeu no Israel kijetha thuve. Hazael no Israelmi yeghi kutomo leluve tsü:

KUKAMI AKINIU 13:3

Ampeu no Israelmi shou amlo ideve no Syria kükau Hazael eno pa nu Ben-hadad pama u lo ishokibe Israelmi phesüve tsü.

KUKAMI AKINIU 13:7

Jehoahaz ye pa gholo ghüshimi kihi kelo khurshimi lhopungu, khurkulu chighi eno apukhu lono chewuni kemi 10,000 likhive, kughengu Syria kükau no panongu kütsave eno ayeghimkhu toi kughulhove tsüke.

KUKAMI AKINIU 8:12

Hazael no pi, “I mpeu ye kushiye qa ani kea?” Pa no khochile, “Kughengu nono Israelmi lau akümla lhoksa shiniye akeu I no ithivae. Nono pano liwo pitive tsü nani, azütakikihi no panow apumiqo ghiqhive nani, itimiqo aleqhi shi vedaqhive nani eno topumi mishipu akeqo kive ghixüve tsü nanie.”

IPEKULU 10:27

Ikemu Ampeu no Pharaoh mlo shikümkave tsü, eno pa no panoqo pelo wu pemove.

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

IPEKULU 14:4

Eno I no Pharaoh mlo shikümkave tsüno pa no panoqo hawu nani, eno Pharaoh ngo paw aqokitikhi vecheo I no ajuküvü ithuluve nani, Egyptmi no Ni ye Ampeu kepi ithi nani.” Ikehu panongu no titoi shive.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

IPEKULU 8:19

Tithiu küdüumi no Pharaoh vilo pi, “Hipau ye Alhou u kena.” Ikemu Pharaoh mlo ye kuthovive, eno Ampeu no pi ketoi, pa no panoqo tsa initsü move.

IPEKULU 9:12

Ikemu Ampeu no Pharaoh mlo kuthovive tsü, eno Ampeu no Moses vilo pi ketoi, pa ye pama tsa initsü move.

IPEKULU 9:17

No ye itehi kutolo no ampi sheqhe ghi Iw timi mjochile ani eno panoqo puwu amoe.

ISAIAH 34:3

Panoqo sükumo ye peve no tino muthu münashui nani; panoqo ji no naghuto lono qowu nani.

ISAIAH 50:11

Julo, nongu khunono kütami kütsave niye kuchughu, eno kütami ghüza nike akuluqhe küiqü cheni keno, nongu no pechekeu mi küvü eno akulu küqükeu küvü lono chewulo! Nongu ye I u lono küsakusho hi sholu nani, eno aghime lono nongu pepüzüve nani.

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

ISAIAH 9:13

Ikemu timiqo no aqokitikhi MPEU, pano ghime keu lau xaidemo eno inijumoe.

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

JEREMIYA 11:22

ikehu aqokitikhi MPEU no ishi piani: “Julo, I no panongu ghime nani. Panow apumiqo no ghüyi lono wonani, pano tianuliqo no püqümiye lono thinani,

JEREMIYA 15:3

I no panoqo kütsani kemi ajeli bidi süsüni, ipi Ampeu no sheshu: ghiqhi kepu zütakikihi, mikipe wuni keu atsüqo, külhü chuve eno qhoi kütsave kepu aghau eno tüghashiqo.

JEREMIYA 16:4

Panongu ye akithipu küsü lono thinani. Panongu kümsü qamo eno shiqhomo nani. Panongu ye ayeghi lo tübatüzü toi nani, azütakikihi ngo akhüava lono pühave nani, eno pano kumo ye aghau ngo tüghashiqo chuqupu shinani.

JEREMIYA 18:21

Ikehu pano tianuliqo pesü akhüava lo süve tsülo; azütakikihi küka lau tsüvelo; pano nipuqo pelo anuha eno chimemi shive pelo. Kiptimi no püsa lono thi pelo, lhothemi no azütakikihi no ghiqhive pelo.

JEREMIYA 48:15

Moab ngo paw mishighünaqo ghikiqhiu ye ighivae, eno tile lhothemi kishekiphe likhi ghiqhilevae, ipi Akükau, aqokitikhi MPEU no sheshu.

JEREMIYA 49:26

Ikehu tipa tsala lo aphughi lo lhothemi ye alaghila lono pithive nani eno ghüshimi kümtsü kütsave nani, ipi aqokitikhi MPEU no sheshu.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

JEREMIYA 9:22

Pilo, “Ampeu no ishi asheshu ani: ‘Asükumo no aluza lo amishiba toi ikiqi nani, ghilemi thiu aghijini toi nani, khunomu pano hekütsümo nani.’”

HOSIYA 11:5

Panongu ye Egypt yeghi lo idewomo nani, ikemu Assyria no pano kükau shive nani, kughengu panongu no I lau ideighini keu milive.

JOYIL 2:20

“I no ahuumi hape nongu launo putou qhai eno yenguyi keu yeghi lo puwuve nani, paw amihemi pesü kipela züghi lo eno ashekhami no kulola züghi lo vesüve nani; Pa kumo no tsümüna ipeghive nani, kughengu pa no alhoksa kümla kije shive kehue.

ACHINE 26:16

I no hitoi nongu lau shi nani: shithüghüi keu, anhethi kighicheve tsüno amlo küsapu shipivimla keu küsü nongu lau süghi nani. Nongu no adou lono apiti xusü nani, kughengu tipau pekighi ye no ghümi no chuve nani.

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

AMUS 4:6

“Now mishighüna kümtsü lo I no ahu kimthe pesü tsüe, eno no kungo-a kümtsü lo asho küpüqü tsü keghi nongu ye I lau ideighi moe,” ipi Ampeu no pi.

AMUS 8:3

Tipani achineki lo alekiphe ye mloküqa shive nani,” Ampeu Alhou no pivae. “Akithi kumo no kütsasa!” “Aqha kümtsü peve nani!” “Inaqhoi khümüive nani!”

HAGAYI 2:17

I no nongu eno nongu no aghimeshi mlaphe keqo kümtsü akhumu, akughumho eno mürasü pesü kütsave tsü, ikeghi nongu ye I lau ideighi moe, ipi Ampeu no asheshu.

ZAKINIU 28:21

Nongu no ilo ngoniye akeu yeghi lono nongu püghave moke kutolo Ampeu no püsa nongu gholo puwutsü nani.

ZAKINIU 28:22

Ampeu no kitixeküsü jeli, aghakimki, atsala külü, züha, akushu mülhü pesü tüxatini ghaqhive tsükeu vecheo nongu ghime nani. Nongu pithive moke kutolo hipaqo no nongu haqhi nani.

ZAKINIU 28:60

Egypt lo küsü nongu no msa chekeu kümtsü Pa no nongu shou süghi kithe nani.

ZAKINIU 7:15

Ampeu no nongu launo küsükini kümtsü süwuve tsü nani, eno nongu no Egypt lo ithulu keu küsü lhoksa lakhimu nongu shou pukutsü mono ti kümtsü no mithi kemi shou pukuve tsü nani.