AMUS 4:1 - Sumi Naga CL (Re-edited) Bible (BSI)

¹ “Nongu Bashan mishiqo, khunono Samaria naghuto lo ani keno, kumlhomi qhasü, aveküsami chunudaqhi, nongu kimiqo vilo, ‘Nino aji shonike süghilo,’ ipiche keqo, atsa hipau inilo!

BAIBEL (BSI)

¹ Hipau inijulo, nongu Samariami totimiqo, Bashan lo amshiqu ashi pubeyi keqo toi athapubei keqo, kumlhomi peitha pusa chekeqo, shiluksami qodaqhi chekeqo eno nongu kimiqo vilo aji xapuwo tsu alepi khuchekeqo!

AMUS 4:1 Iomraidhean Croise

KUKAMI ATUGHIU 16:24

Pa no ghükayi ahu 70 pesü Shemer ipikeu launo Samaria toghi qhüluve no atoghi homxa aliwo shive, eno tipau phughi pesü ti ampeu Shemer je lono Samaria ipi kuvetsü.

JOB 20:19

Kughengu pa no kumlhomi nedaqhi eno jumove; eno pa no shiqhe pukumo keu ki süxaluve tsüke.

JOB 24:4

Panongu no kumlhomi kopheve cheni; ikehu kumlhomi ye msa kelauno itshüwu khave cheni.

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 140:12

I no ithi anie, Ampeu no aghime kitikhi lo akemi süsho cheni, eno kumlhomi ghenguno kuchou xakütha süghi tsü nani.

LESHELE 22:12

Amshitsü kutomo no I sühope ani; Bashan mishitsü kumto no I vehope ani;

AHOLE 22:7

Kinimi no kumlhomi qhasü cheni, eno akünami ye pünatsü akemi qüaxemi ke.

YETSAPIU 4:1

Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

ISAIAH 28:1

Aha, Ephraim küka kütsükuqho xapusü shomzü chekemi, aghüma khila lo aji no theqhive kemi kütsü lo jukighilepu xamunu achekeu ye ighüivae!

ISAIAH 5:8

Khunono kütami yeghi kühave moke kutolo aki-alu koluve tsüno aqha kuchopu nongu likhi auve cheni keno ahasapue.

ISAIAH 56:12

Panongu no pi, “I no atsaiji peighini, ningu aji kümka shoni nolo, eno thoghiu ye ishi tsala nguno kimghi mla kepushi alo nani.”

ISAIAH 58:6

“Ikemu kümvü keu lono kixikila küxü kütsügha lono kuqhophe luve aye, eno kütami shou kuokhasü kuqhovetsü aye, eno nedaqodave kemi khaqhi pheve aye, eno ayikichhe jeli kümtsü ikhivetsü aye, hitoi kümvü keu no I pulou ke kumo keshea?

JEREMIYA 50:11

“O I mheghi xüpuwuve keqo, nongu no alovi amloqi anamu, amshiti no aluza lo ilhe akeshi, khurshitsü no igha keshi anamu,

JEREMIYA 50:27

Li mishitsü kümtsü pithivelo; ghikiqhi kilo tipaqo saiqilo. Babylonmi hasapue, kughengu pano ghime ghuloki ighivae.

JEREMIYA 51:34

“Nebuchadnezzar Babylon kükau no I tsüchuvae; pa no I chunudaqhi; I pesü azühu kümsa akeu toive tsü; eno aghawu toi ni munove; pa no I chuqupu kivi pesü pa po sünhei luve no I puquleve.

JEREMIYA 6:6

Kughengu aqokitikhi MPEU no ishi piani: “Jerusalem khasüni ke asüboqo yeqhi no li homxa amoqhe pukulo. Mishighüna hipau ghime masae; li lolo timi qhasü keu nguno alau kütau kiumu kühae.

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

EZEKEL 22:29

Ayeghi hipau lo timiqo no kichiqhi süxachu eno pükake. Panongu no kumlhomi eno akukuphu avehupu shi akemi qodaqhi, eno achipiu shitsü mono kupokichemi kichi kümsa eno süxachu ke.

EZEKEL 22:7

Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

EZEKEL 39:18

Ambetsü, ambeti, anetsü, amshitsü, Bashan lo lhoxü atha pubeyi keqo toi nongu no akumtomi shi chunani, eno ayeghi lo yepemi ji yenani.

JOYIL 3:3

Iw timi ghenguno asaqhi, apu-itimi pelo kütüqha peniye jesüve, eno aji ghenguno anga jechuve no shomzü ke.

AMUS 3:1

O Israelmi, Ampeu no nongu shou pipuku akeu, Egypt yeghi lono I no saipeghi keu shiaye kümtsü shou pipuku akeu tsa hi inilo:

AMUS 3:3

“Pulokilemo kelo mikini ye kümtsa chewu luni keshea?

AMUS 5:11

Kughengu nongu no kumlhomi nedaqoda eno pa launo athi zame luve chenike ghenguno, nongu no heküthatu ki shiqhe püaghi namu, nongu ye tile ngomla nani; nongu no alo kepushi atsailu chi ani kemu nongu ye tipaqo tsaiji shomla nani.

AMUS 6:1

“Zion lo akuchhoma shi akemi, eno khunono Samaria naghuto lo ililai ani keno, shiye dolo ajekipimi atüghümi, khunoqo lau Israelmi no wu acheni keno ahasapue!

AMUS 6:6

Nongu no akulhobo lono aji sho eno thazü akiviu pesü nongu ampi nukishe cheni, ikemu Joseph kütsave keu ghenguno mloqa moe!

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

AKIKIHI 21:33

Tithiu Israelmi ye Bashan lo wuve. Ikelo Bashan lo akükau Og no paw ghüshimi sasü ighi no Edrei lono panoqo lenikeu shi.

ZAKINIU 24:14

“Kumlhomi aqe kiqemi, ti ye Israelmi na, no phughi lo kachenami namu sapüsa moni.

ZAKINIU 28:33

Nongu no akaveshi tüxatini mlaphe keu kümtsü nongu no ithimo keu shiye no luvetsü nani, eno nongu qodaqhi kijipüsa nani,