AMUS 2:11 - Sumi Naga CL (Re-edited) Bible (BSI)

¹¹ Nongu nuli khami tungkupu shi peniye I no saputhu, eno apumi khami no Nazirmi shi peniye saputhuke. Tishike kumo, O Israelmi?” ipi Ampeu no shuphe.

BAIBEL (BSI)

¹¹ Ino nonuli khami pelo tungkupmi shipe nike kishelu eno now lhothemi khami pelo Nazariomi shi kisheluke. O Israil lo akemiqo! Tiye kuchou kumo kesha?

AMUS 2:11 Iomraidhean Croise

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI ATUGHIU 18:4

eno kughou Jezebel no Ampeuw tungkupmi heqhi akeno Obadiah no pano 100 sasü amqo kini shino atuki lo küsüve eno asho ngo azü pesü panongu loji.)

KUKAMI ATUGHIU 19:16

Eno Nimshi nu Jehu pelo Israelmi kükau shipenike nukishe lo, Abel-meholahmi Shaphat nu Elisha pelo o züqhulo tungkupu shipenike nukishe lo.

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

KUKAMI ATUGHIU 20:35

Ampeu zakütsü lono tungkupmi loji lo milakhi no pa küsau vilo pi, “I heqhilo.” Ikemu pa no tishimoe,

KUKAMI ATUGHIU 20:41

Tileno pa no agi khapu akeu phi ikhive kelo akükau no pa ye tungkupmi lakhi kepi kimchi luve.

KUKAMI ATUGHIU 22:8

Israel kükau no Jehoshaphat vilo pi, “Ampeu lau ighiju luni keu milakhi Imlah nu Micaiah aphi, ikemu ni ye pa mithie, kughengu pa ye alhoksa thono I ghenguno khilemu tungkuptsa akivi pitsü chemoe.” Jehoshaphat no pi. “Akükau ye tishi pikepu kumoe.”

KUKAMI AKINIU 17:13

Ikeghi Ampeu no Pa ghinimi eno tungkupmi puwu no Israel ngo Judah ghutu, “Nongu laghi lhoksa lono tsüghüve lo, eno I no no puasüqo azah tsü püzü I qemi tungkupmi vecheo nongu tsükeu zakütsü eno akhuayeqo pelulo.”

KUKAMI AKINIU 6:1

Ghulo lakhi tungkupmi loji no Elisha vilo pi, “Julo, nono ampi shi akeu ki ye ningu ghenguno tülalovae.

YEKIKITHI AKINIU 36:15

Ampeu, pano puasü Lhou no Pa tsapemi ide-ide panongu lau puwu, kughengu Pa ye Paw timiqo eno Pa chineki kimiyeqhiyi cheke.

JEREMIYA 11:21

Tighenguno Anathothmi khunono o küxü phu ani keno pano ghenguno Ampeu no ishi piani, “Ampeu je lono tungkuptsa pi kevilo, tikumo aye no ye ningu u lono pithiveni”

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

JEREMIYA 2:5

Ampeu no ishi piani: “O puasüqo ye I lau achipikumo kiu ithulue pi panongu ye I launo putosü lo wuve, eno ameküküha pape wuve no ame kühave kea?

JEREMIYA 26:11

Tishino achinemi ngo tungkupmi no hiyampemi eno timiqo vilo pi, “Timi hipau ye pithive küzüe, kughengu nongu kini no chiluve ketoi pa no mishighüna hipau shou akumou tungkuptsa pike.”

JEREMIYA 7:25

No puasüqo no Egypt yeghi lono ipeghike tsala lono ishi kutolo tamo mithe I no tsalakipe I qemi tungkupmi puwue.

AKUMLO 4:7

Liw kükapumiqo ye mürasü nguno tsüghükhüi, akichhizü nguno akimiyeue; pano phiau ye azükhenu ghitu nguno hughüi, pano kogheküghü jukivi ye amekusho tu toike.

MICAH 2:6

“Kütsü kevilo”—panongu no ishi kütsü cheni— “hipa vehu kütsü kepu kumoe; akukujo ye ni züthave mo nani.”

Apostolmi 4:18

Ikehu panongu no pama kuno Jisü je lono khilemu timi pütsa eno kütsü kevi lopi azah tsüve.

Apostolmi 5:28

“Timi hipau je lono kütsü kevilo pi ningu no azah tsü keghi nongu no Jerusalem qha kuchopu kütsü shika ani, eno timi hipau ji pesü ni shou puku tsüniye shi anie.”

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

ZAKINIU 18:18

I no o toike tungkupu lakhi pano thiküzümi lau puwu nani. I no pa kichi lo I tsa sütsü no pa no I no azah tsükeu kiqi lono thokha panongu vilo pi nani.

SAMUEL ATUGHIU 19:20

Ikehu Saul no David saghi peniye aghinimi puwu. Ikemu kughou panongu no tungkupmi loji tungkuptsa pi eno Samuel no panoqo mpeu shi aghi keu ithulu keno, Alhou Ghungu no Saul ghinimi shou ikughive, eno panongu ghi tungkuptsa piuve.

SAMUEL ATUGHIU 3:20

Dan lono Beersheba kutolo Israelmi kümtsü no Samuel ye Ampeuw tungkupu kuchou kepi ithive.