AMUS 1:6 - Sumi Naga CL (Re-edited) Bible (BSI)

⁶ Ampeu no ishi piani: “Gaza xine küthü ghenguno, eno bidi ghenguno Ni ye aghime süchilemo nani, kughengu panongu no timi kümtsü haphe sasü Edom lo jesüve tsüniye wuve.

BAIBEL (BSI)

⁶ AMPEU no pi, “Gaza lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ashiayeh lakhilo timi kumtsu sawuve eno Edom lo akemi quaxemi shipe nike panoqo jesuveke.

AMUS 1:6 Iomraidhean Croise

YEKIKITHI AKINIU 28:18

Itaghi Philistiami no kulolau naghuto küxa lo mishighünaqo eno Judah apeu leighi no Beth-shemesh, Aijalon, Gederoth, Soco, eno tipa sükümxa lo aphu akeqo, Timnah eno sükümxa lo aphu akeqo, Gimzo eno sükümxa lo aphu akeqo hakho luve eno tipaqo lo xüsüve.

JEREMIYA 47:1

Pharaoh no Gaza lemphi züu Philistiami ghenguno Ampeu tsa Jeremiah lau ighi.

EZEKEL 35:5

Kughengu nono pülhapuju aghümi shi acheni eno Israelmi mhekiqi tsalani eno panow ashekhau ghime sholuke tsalani nono Israelmi pesü azütakikihi küka lau pephe tsüve kehu,

JOYIL 3:4

“I zülo nongu ye kiu kea, O Tyre ngo Sidon, eno Philistia tokukujo lo akeqo? Nongu ye kiuala ghenguno I lochile ani keo? Tsala nongu no I lochile aghi aye, I no mtazü eno papashi nongu lochileve nani.

JOYIL 3:6

Nongu no Judah ngo Jerusalemmi pesü pano lughi lono putou puwuveni ye Greekmi lau jesüve.

AMUS 1:11

Ampeu no ishi piani: “Edom xine küthü ghenguno, eno bidi ghenguno, Ni ye aghime süchilemo nani; kughengu pa no azütakikihi pesü pa thiküzüu haqhi eno küpükini piyemoe, ashekha küha amloide eno pa loghu pülhapuju xapu ke.

AMUS 1:3

Ampeu no ishi piani: “Damascus xine küthü ghenguno, eno bidi ghenguno, Ni ye aghime süchilemo nani; kughengu panongu no chisheda keu yikhumu pesü Gilead chisheqhi ke.

AMUS 1:7

Tighenguno I no Gaza liwo shou ami puwuni, eno tino liw sükusho-aqo pitileve tsü nani.

AMUS 1:9

Ampeu no ishi piani: “Tyre xine küthü ghenguno, eno bidi ghenguno, Ni ye aghime süchilemo nani, kughengu panoqo no ashiaye kümtsü sawo Edom lo jesuve, eno athiküzümi puloshoqhi kümsülu move ke.

Obadiah 1:11

Nono qhemghai ake ghuloki lo, inami no khagho lo iloghi no Jerusalem ghenguno asaqhike tsalani, eno inami no pa küakini pewuve akelo no ghi panongu toiveke.

ZEKHARIA 9:5

Ashkelon no ti ithulupe msa nani; Gaza ghi amloiju ihi nani; Ekron ghi, kughengu pa küpkhü ye kübangüvae. Akükau ye Gaza lono pühave nani; Ashkelon ye küghüna moae;

Apostolmi 8:26

Ampeuw kungumi no Philip vilo pi, “Ithu no Jerusalem apeu no Gaza lo wuche keu laghi lo wulo.” Hi ye asayeli ke.

SAMUEL ATUGHIU 6:17

Philistiami no ameshoyi julho pesü axine kümllagho shi Ampeu tsükeu ye hipaqo ghenguno ke: Ashdod, Gaza, Ashkelon, Gath, eno Ekron ghenguno lakhikhi,