AMUS 1:3 - Sumi Naga CL (Re-edited) Bible (BSI)

³ Ampeu no ishi piani: “Damascus xine küthü ghenguno, eno bidi ghenguno, Ni ye aghime süchilemo nani; kughengu panongu no chisheda keu yikhumu pesü Gilead chisheqhi ke.

BAIBEL (BSI)

³ AMPEU no pi, “Damaska lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ayikusu pesu Gilead lo kuamiqo peithake.

AMUS 1:3 Iomraidhean Croise

KUKAMI ATUGHIU 19:17

Hazael zütakikihi lono pokalu keqo no Jehu no pithive nani, eno Jehu zütakikihi lono pokalu keqo no Elisha no pithive nani.

KUKAMI AKINIU 13:3

Ampeu no Israelmi shou amlo ideve no Syria kükau Hazael eno pa nu Ben-hadad pama u lo ishokibe Israelmi phesüve tsü.

KUKAMI AKINIU 13:7

Jehoahaz ye pa gholo ghüshimi kihi kelo khurshimi lhopungu, khurkulu chighi eno apukhu lono chewuni kemi 10,000 likhive, kughengu Syria kükau no panongu kütsave eno ayeghimkhu toi kughulhove tsüke.

KUKAMI AKINIU 16:9

Assyria kükau no pa tsa ikhilu tsüno ighi püzü Damascus leluve eno timiqo kughu sasü Kir lo wuve, eno pa no Rezin pithive.

KUKAMI AKINIU 8:12

Hazael no pi, “I mpeu ye kushiye qa ani kea?” Pa no khochile, “Kughengu nono Israelmi lau akümla lhoksa shiniye akeu I no ithivae. Nono pano liwo pitive tsü nani, azütakikihi no panow apumiqo ghiqhive nani, itimiqo aleqhi shi vedaqhive nani eno topumi mishipu akeqo kive ghixüve tsü nanie.”

JOB 19:3

Hi ghuthu chighi piqi nongu no I thaighavae; nongu ye I lau akumou shini keu kujomo keo?

JOB 5:19

Pa no aküküpna tsügho lono o xaphe luve nani; iyei akütsüniu loye alhoksa no o bumo nani.

AHOLE 6:16

Ampeu no mithi chekeu thime tsügho ani, Pa ghenguno aphikümqhüpu tsüni ani:

YETSAPIU 11:2

Ayeghi lo kiu nguküsa tsala ighini keno mtha kehu o chuqupu saje pesü timi tsüni momu tache mu tsülo.

ISAIAH 28:27

Napa ngo pülakhü lothi ye athi qole chekeu süpa no hechemoe, ikemu pa lothi qhemi lono asüta no hecheni.

ISAIAH 41:15

Julo, I no o pesü ashu kithe, mtsüsüi eno tsüghaminhei keu athi kütsüghütu shi nani, nono naghutoqo tsüghü eno kubopinyi nani, eno atoghiqo amuu toi shivetsü nani;

ISAIAH 7:16

Ikemu tipa tüqhüdo ighi mphi lono nono msa akeu kükami pama yeghi ye pighive nani.

ISAIAH 7:8

Kughengu Syria tou no Damascus, eno Damascus tou ye Rezin likhie. Ephraim ye ampe lhotsügho pungu dolono ashiaye ghi ipopinyive nani.

ISAIAH 8:4

kughengu anu no, ‘I puo’ ‘I zao’ ipini keu mtha aphi lono Damascus küakini eno Samaria lono hakholu keu thimeqo ye Assyria kükau no xapu wove nani.”

AMUS 1:11

Ampeu no ishi piani: “Edom xine küthü ghenguno, eno bidi ghenguno, Ni ye aghime süchilemo nani; kughengu pa no azütakikihi pesü pa thiküzüu haqhi eno küpükini piyemoe, ashekha küha amloide eno pa loghu pülhapuju xapu ke.

AMUS 1:13

Ampeu no ishi piani, “Ammonmi xine küthü ghenguno eno bidi ghenguno, Ni ye aghime süchilemo nani; kughengu panongu no Gilead lo mishipu akemi po ghileve tsü, tishino pano lughi pekho niye ke.

AMUS 1:6

Ampeu no ishi piani: “Gaza xine küthü ghenguno, eno bidi ghenguno Ni ye aghime süchilemo nani, kughengu panongu no timi kümtsü haphe sasü Edom lo jesüve tsüniye wuve.

AMUS 1:9

Ampeu no ishi piani: “Tyre xine küthü ghenguno, eno bidi ghenguno, Ni ye aghime süchilemo nani, kughengu panoqo no ashiaye kümtsü sawo Edom lo jesuve, eno athiküzümi puloshoqhi kümsülu move ke.

AMUS 2:1

Ampeu no ishi piani, “Moab xine küthü ghenguno, eno bidi ghenguno, Ni ye aghime süchilemo nani; kughengu pa no Edom kükau saghi ayevu shi pitivetsü.

AMUS 2:4

Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

AMUS 2:6

Ampeu no ishi piani, “Israel xine küthü ghenguno eno bidi ghenguno, Ni ye aghime süchilemo nani; kughengu pano no ghükayi ghenguno amikuchomi jechuve, eno apukhuqho ghenguno kumlhomi jechuve.

ZEKHARIA 9:1

Ampeu tsa no Hadrach yeghi shou ikughi ani eno Damascus no tipau kulhokiqhi ake. Kughengu Ampeu nhethi ye timiqo shou eno Israel shiaye kümtsü shou jupuku ani,

ZEKHARIA 9:2

Israel sasü kughuthu akeu Hamath, eno Tyre ngo Sidon no ighono alokütsü kemu tipaqo shou ghi jupuku ani.