AMUS 1:1 - Sumi Naga CL (Re-edited) Bible (BSI)

¹ Ayeghi küghütha züu ampe kini akelo Uzziah no Judah kükau shi eno Joash nu Jeroboam no Israel kükau shi ake ghuloki lono Amos, khuu Tekoa lo ambekhemi lakhi keno, pa no Israel ghenguno ithulu keu tsape.

BAIBEL (BSI)

¹ Hiye Amus tsake, paye Tekoa taunlo bherikhemi lakhike. Ayeghi ithanikeu ampe kini aphilo eno Uziya no Juda lo akukau shia, Jehoash nu Jeroboam no Israil lo akukau shiake ghuloki lono Alhou no Israil ghili hipaqo kumtsu pesu Amus lau piyesuke.

AMUS 1:1 Iomraidhean Croise

SAMUEL AKINIU 14:2

Joab no Tekoa lono alokütsümi totimi lakhi saighi no li vilo pi, “Mlo akemi lakhi toi amqü shilo eno akumlo phimini pepulo. Thazü pesü o nu kevilo, ikemu kithimi ghenguno atsala kutomo mlove kemi ghilishi lo.

KUKAMI ATUGHIU 19:19

Ikehu Elijah ye tileno wuve no Shaphat nu Elisha sasü kusholu. Elisha ye amshitsü tüna chighikini sasü alu hokide aghi, eno pa no chighiakiniu sasü cheghi. Tile Elijah no pa lau ighi no paw hebephi xape Elisha shou bevetsü.

KUKAMI AKINIU 14:21

Judah lo timi kümtsü no Azariah, khuu ampe chighitsügho shi akeno, pa pesü papu Amaziah züqhulo akükau shivepe.

KUKAMI AKINIU 14:23

Joash nu Amaziah Judah kükau yepe mpe chighiapunguu lono Joash nu Jeroboam Israel kükau no Samaria lono ayepelu, eno pa ye ampe lhobidi lakhi ayepelu.

YEKIKITHI AKINIU 11:6

Pa no hipaqo shiqhe, Bethlehem, Etam, Tekoa,

YEKIKITHI AKINIU 20:20

Thanau inaqhe ithe ithu no panongu no Tekoa sayeqha lo wuve. Kughou panongu no tilau ipeghi keno Jehoshaphat no puthugho no pi, “Judah ngo Jerusalem timiqo, I tsa inilo! Ampeu nongu Lhou pülülo, nongu no mtotoilu nani; Paw tungkupmi pülülo nongu no tolu nani.”

IPEKULU 3:1

Moses ye Midian lo achineu pa ngu Jethro mbeloji khekuto ae, eno pa no yenguyike-a kulolau ambeloji sasü wuno Alhouw naghuto Horeb lo ighi.

ISAIAH 1:1

Judah lo kükami Uzziah, Jotham, Ahaz, eno Hezekiah ghuloki lo Amoz nu Isaiah no kungunhetsü khikhi Judah ngo Jerusalem ghenguno ithulu keno tihuke.

JEREMIYA 1:1

Hi ye Jeremiah tsa, pa ye Hilkiah achinemi gholo lakhi nu, Benjamin yeghi bocho Anathoth lo küxümi,

JEREMIYA 28:8

Khaghi tungkupmi o züumi eno I züumi tungkuptsa piche kemi no aghakhu kutomo eno kükaqhaqo shou aghükishi, akhüava, eno püsa ighini keu kütüghü ke.

JEREMIYA 6:1

Itshükulupu shi polo, O Benjamin timiqo, Jerusalem lono polulo! Tekoa lo afuko küigha lo, Beth-haccherem lo amchipu peqhelo, kughengu ahuu no kütsakungo kije eno amhekiqi ghawo cheni.

JEREMIYA 7:27

“Ikehu no ye atsa hi kümtsü panongu vilo pilo, ikemu panongu ye o tsa inimo nani. Nono panongu kunani, ikemu o khochilemo nani.

HOSIYA 1:1

Judah lo kükami Uzziah, Jotham, Ahaz, eno Hezekiah noqo ghuloki lo eno Israel kükau Joash nu Jeroboam ghuloki lono Ampeu tsa Beeri nu Hosea lau ighi.

AMUS 7:14

Tileno Amos no Amaziah khochile pi, “Ni ye tungkupu kumo, tike kumono tungkupu nu mu kumoe, ikemu ni ye ambekhemi eno tüküthi-mubuthi chiche kemi ke.

MICAH 1:1

Jotham, Ahaz eno Hezekiah noqo no Judah lo kükami shiake ghuloki lo Moreshethmi Micah lau Samaria eno Jerusalem ghenguno Ampeu tsa ighi.

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

MATTHEW 4:18

Tithiu Galilee züghi mkülo chekelo Jisü no akhakükhami athiazü kini, Simon (khuu Peter ipi cheni keno) eno pa thiküzüu Andrew pama, akhame pesü azüghi lo akha vecheghi keu ithulu.

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.