ALE KIMCHI 7:13 - Sumi Naga CL (Re-edited) Bible (BSI)

¹³ O I qhuu, zünilobo no axo kivi tsü nani, eno axathi kivi, aqau ngo akitheu kümtsü ni hukikha phivilo I no o sala qhipüa tsüae.

BAIBEL (BSI)

¹³ Noye tileno zunilobo xo tsungulu nani, eno axathi aghile jeli kumtsu nihukikha phivilo anike. Alomi, olopivi kepu jeli aqau ghi akitheu ghi ino oghenguno hekutsu puanike.

ALE KIMCHI 7:13 Iomraidhean Croise

BOTHUBO 30:14

Ashothi ghile ghuloki lo Reuben no aluza wuno zünilobo aghikeu ithulu kehu pewo paza Leah tsü. Tile Rachel no Leah vilo pi, “Kimiyeno o nuw zünilobo hami I tsülo.”

ALE KIMCHI 2:3

Aghasü lo asüboqo dolo apple xathibo akeshi I qhuu ye apumiqo gholo titoie. I no azüküvü kije lono pa kusho qholo iqa eno I lopushi pa xathi kungo michelue.

ALE KIMCHI 4:13

O müzü ye khaghatu xathili lo axathi akiviu pithi chekeu toi, eno axokütsüngü tsüni henna ngo nard,

ALE KIMCHI 4:16

Ithulo, O ahuu mülhü, Ighilo, O apeu mülhü! I ghutu shou mülhü pukulo, tipau xokütsüngü no vechighi müna pelo. I lomi pelo pa ghutu lo ighi no tile axathi akiviu chu pelo.

ALE KIMCHI 6:11

I no akhila lo asübo, atsaibo eno khaghatubo mini ani kemo keno juniye ghakuthili lo iqie.

ALE KIMCHI 8:1

O pelo I za kichhizü no loji puthukeu I mu shiaghi penishi nolae! I no o sholu no o müma namu khunomu I jukünatha moniche.

ISAIAH 23:18

Li no kimje kelono ala shilu keu eno li jume ye pekütsü momu kike mono akimthe shi Ampeu tsü nani. Khunono Ampeu nhethe lo acheni keno, tipau pesü pano chuqupu ngo aphimini kivi kupukuno shi qhütsü nani.

MATTHEW 13:52

Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

John 15:8

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

1 Kor. 16:2

Apinedo kümtsü lo atsala atüghüni nongu lakhikhi no aghikeu qhemi ikhithape kütsü püaghilo, tishianguno I no ighi keloye süqhasüli lumoveni.

1 Kor. 2:9

Ikemu ishi yepüake toi, “Kiu anhethi no ithulu mphi, akini no chilu mphi keno, momu timi mlo no kümsülu mphi keno, Alhou no kiu Pa kimiye chekemi ghenguno kuto püani keno”—

Ephesiami 5:9

(Kughengu aküvü lo cheche keu lono akivipu, achipiu eno kuchou xathi ithulu cheni).

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.