ALE KIMCHI 5:6 - Sumi Naga CL (Re-edited) Bible (BSI)

⁶ I no I qhuu ghenguno khaqhitsü, ikemu pa ye idewove aghi. Pa sütsa chiluni shi ake I nhü-aghü thive. I no pa phuju kemu phumlave; I no pa ku kemu pa ye khochile moe.

BAIBEL (BSI)

⁶ Ilomi ghenguno ino ahukikha khaqhitsu, ikemu paye cheve aghi. Niye pa sutsa chilunishi kutu ake! Ino pa phuju ikemu pa phumlave; ino pa ku-ju ikemu kiumu khochilemoe.

ALE KIMCHI 5:6 Iomraidhean Croise

BOTHUBO 42:28

Pa no pa thiküzümi vilo pi, “Iw pisa süchile püa tsüae; hi I pulukho kichi lo anie!” Tile panongu mlo ye hauve, eno panongu ye msa khokhoshi lakhino lakhi lau ighowo pi, “Alhou ye ningu lau kiu shivetsü akea?”

SAMUEL AKINIU 16:10

Ikemu akükau no pi, “Nongu Zeruiah nuliqo, ni ye nongu sasü kiu shikepu ani kea? Tsala Ampeu no pa vilo, ‘David ghusholo,’ ipike ghenguno pa no ghusho aghi aye, khuu no pa vilo ishi piluni kea, ‘No ye kushiye tishi kea?’”

LESHELE 28:1

O Ampeu, I no O ku ani; I tuqu, I launo akini ipove kevilo, Nono I lau inaqhoive aye, ni ye aqo lo ikiqi ilove kemi toive nani.

LESHELE 30:7

O Ampeu, O mlo kiqishi Nono Iw naghuto pesü mtotoi shitsü; Nono O gi küsüve kelo; Ni ye aghüthi süve.

LESHELE 69:3

I ghügha no ni ye lhovae; I kughoki no qhaivae. I Lhou ngokhe keu huno I nhethi ye chuchumiyivae.

LESHELE 77:3

Kughou I no Alhou kümsülu keno I no mloqae; I no kümsüputho kelo, I ghungu no aghüthi süve;

LESHELE 80:4

O Ampeu, aqokitikhi Lhou, ado khitohi Ow timiqo kighini shou axuide anani kea?

AHOLE 1:28

Tishino panoqo no I ku nani, ikemu I no ini tsümo nani, panongu no müamzü I phu nani kemu phulumo nani.

ALE KIMCHI 5:2

I no zühuju kemu I mlo ye ithu ae. Asütsa lakhi! I qhuu aki kukhu ani. “I lomi, I chepu, I khaqhisü lo, Iw miqhedu, Iw kupukülai keu, kughengu I kütsü ye atsüzü no pütsavae, putho tsüzü kighiji no I sa ghoküna keu dadaivae.”

ALE KIMCHI 5:4

I qhuu no ahukikha heküptasü bu, ikelo I mlo alouno kukushive.

ALE KIMCHI 6:1

O totimi gholo shishe ajukiviu, o qhuu ye khila wuve akea? Nino o sasü phunike khiküdau wuve kea?

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

ISAIAH 58:2

Panongu ye achipiu-mikucho papeche keu shiye shi aghi kepu toi, momu Alhouw küghakütha milivemo kemi toi, Ghulo atsütsü I mlla acheni, eno I laghi ithini keu lo azüvü acheni, panongu no I vilo achipiu xakütha iniju ke; eno azüküvü shi Alhou lau kupunu wuke.

ISAIAH 8:17

Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

AKUMLO 3:8

I no kuphu peniye ku kemu Pa no I kighini chilu tsümoe;

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

HOSIYA 5:6

Panongu no pano mbeloji ngo amishi loji sasü Ampeu phuniye wu nani, ikemu panongu no phumla nani; Pa ye panoqo launo tsüghüvae.

ZEKHARIA 7:13

“I no ku akeghi panongu ye chilu move, ikehu panongu no ku kemu I no chilu tsümove,” ipi aqokitikhi Mpeu no pi,

MATTHEW 26:75

Eno Jisü no pikeu tsa Peter no kümsüchilelu, “Awudu no igha mphilo no ye ni mthae pi ghuthu küthü milive nani.” Peter no khalau ipeve no amloiju qae.

Mark 14:72

Paikhavi awudu no akiniu ighave. Jisü no kishi pa vilo pi keno pa no kümsüchilelu, “Awudu no ghuthu akiniu ighamphi lono no ye ghuthu küthü ni milive nani.” Pa no amloghuju shi qauve.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

SAMUEL ATUGHIU 28:6

Kughou Saul no Ampeu lau ighiju keno, Ampeu ye asamou nomu, Urim momu tungkupu vecheo nomu pa khochile move.