ALE KIMCHI 2:8 - Sumi Naga CL (Re-edited) Bible (BSI)

⁸ I qhuu sütsa chilu anie! Julo, pa ye naghuto eno atoghi ilhechesü I lau cheni.

BAIBEL (BSI)

⁸ Niye ilomi sutsa chilu ani, Pano naghuto shou ilhesusu pocheni, atoqo ikachesu ilau cheni.

ALE KIMCHI 2:8 Iomraidhean Croise

SAMUEL AKINIU 6:16

Ampeuw puloshoqhi bohu pesü David phughi lo iloghi kelo, Saul nonga Michal no alashe lono jupipe, eno Akükau David no Ampeu zülo ilhe cheghi keu ithulu, ikelo li no amlo lono pa jukünathave.

ALE KIMCHI 2:17

I qhuu, inaqhe mülhü no ighi moke kutolo eno aküzü no hauve moke kutolo, naghuto nhepho lo aqhu lhothe toi momu achuyi hutoi I lau ide ighivelo.

ALE KIMCHI 4:16

Ithulo, O ahuu mülhü, Ighilo, O apeu mülhü! I ghutu shou mülhü pukulo, tipau xokütsüngü no vechighi müna pelo. I lomi pelo pa ghutu lo ighi no tile axathi akiviu chu pelo.

ALE KIMCHI 5:2

I no zühuju kemu I mlo ye ithu ae. Asütsa lakhi! I qhuu aki kukhu ani. “I lomi, I chepu, I khaqhisü lo, Iw miqhedu, Iw kupukülai keu, kughengu I kütsü ye atsüzü no pütsavae, putho tsüzü kighiji no I sa ghoküna keu dadaivae.”

ISAIAH 35:6

apukhu kinitave kemi no ashe toi kakashi ilhe eno atsa pikümlami no alovi ale phe nani. Kughengu qhaike yeghi, asayeqha lono azü puipeghi no qowulu ke;

ISAIAH 44:23

O atsütsü, ale phelo kughengu Ampeu no hi shivae; O aqokutho, ighamku lo! O naghuto, O aghasü eno asübo kümtsü alokivi le phelo! Kughengu Ampeu no Paw timi Israel xalu eno ajekipi shinani.

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

JEREMIYA 48:27

No ye Israel cheqhi cheke kumo? Israel ye küpkami kesheno nono pa ghili pi aye, o kütsü küngü thaigha che kea?

Luke 6:23

Tipa tsala lo alovi eno alokivi shi ilhelo, kughengu kungugha lo nongu jume ye kije ani. Pano puasüqo no titoi tungkupmi peitha püsa cheke.

John 10:27

I mbeqo no I sütsa chilu cheni, I no panoqo ithi eno panongu no I pape cheni.

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

Apostolmi 14:10

asütsa kuloghi lono pi, “Müzüchoi puthugho lo.” Timi huno ilhethu ala chethuve.

Apostolmi 3:8

Pa no ilhethu puthughove no alache thuve, eno ilhe iku-iqi alachesü Ampeu sheqhe ghi pama sasü achineki lo ilove.

Piyeküsü 3:20

Julo, Ni ye ahukikha lo puthugho no kukhu ani. Khuu no I sütsa chilu no ahukikha khaqhi tsüni keno I no pa lau iloghi no pa sasü chushoni eno pa no I gholo chushoni.