AKUMLO 5:2 - Sumi Naga CL (Re-edited) Bible (BSI)

² Ni mheghi ye khalaumi tsüvae, ni kiqo no inaghami tsüvae.

BAIBEL (BSI)

² Niwu tinhemghaqoye inamiqono peauvae; inaghamino nikilo ngo auvae.

AKUMLO 5:2 Iomraidhean Croise

LESHELE 109:11

Apiagha tsükepu shi akemi pelo pa no pighi akeqo kümtsü pewuve pelo; inami pelo pa no mlasü keqo xathi xule puwuve pelo.

ISAIAH 1:7

No ghakhu ye yenguyelei ani; no phughiqo ye ami no piti ani; inaghami no nongu küa lono no yeghi kütsave tsüae; tüsümi no leluve no pighive keshivae.

ISAIAH 5:17

Tishino ambeqo no pano tsüni kümza-a lono chu nani, eno kupokichemi no kinimi kipighi-a lono chu nani.

ISAIAH 63:18

O kimthe timiqo ye ado hami ghenguno qhasüpe ngolue; ikemu itehi ye ni ghümi no o kimthe ki nedaqodave tsüae.

JEREMIYA 17:4

Nongu ye I no tsükeu mheghi au lono lekhove nani, eno I no nongu no mthakeu yeghi lo nongu ghümi qemi shiuvepe nani, kughengu I mlo kighide lono alholo iqüni keu mi küqüvae.”

JEREMIYA 6:12

Panongu ki-alu eno anipuqo ye qhoi kütamiw shive nani, I no ayeghi lo küxümi shou I u chhopuku nani,” ipi Ampeu no asheshu.

EZEKEL 7:21

Eno xulepuwuve penike I no inaghami u lo süve tsü nani, ayeghi lo kixikilami no pükalu keu nhemgha shivepe nani, eno panongu no tipau shikitiqe nani.

EZEKEL 7:24

I no shiyeqo dolo alhoksau saghi no panoqo ki luvepe nani. I no akumtomi qheküza kishekhave tsü nani, eno panow akimthe-aqo ye shipixive nani.

HOSIYA 8:7

Panongu no amülhü yisü, ikemu miyitsü xolu nani. Aghibo puthughope akeqo ye aghipe movae; tipaqo ye athi pithimo nani; tsala tipaqo no pithi namu inaghami no chuvetsü nani.

HOSIYA 8:8

Israel ye küghape munovae; panongu ye shiyeqo gholo ameküküha li kughupo toivae.

ZEFANIA 1:13

Panongu küakini xüvetsü nani, eno panongu ki kütsave tsü nani. Panongu no aki shipüaghi namu, panongu ye tilehi ngomo nani; pano no atsailu chi aghi namu, tipau tsaizü yelumo nani.”