AKUMLO 5:16 - Sumi Naga CL (Re-edited) Bible (BSI)

¹⁶ Kükakütsüqho ye ni kütsü lono ikiqivae; nino axine shive kehu ningu ye ahasapuae!

BAIBEL (BSI)

¹⁶ Nino jupesu akijivilo chekeu thime lakhimu kuhavae. Nino axine shiveke eno itehiye ningu hasapu shivae.

AKUMLO 5:16 Iomraidhean Croise

JOB 19:9

Pa no I launo agigihupu xaqhive tsüno I kütsükuqho luve tsüae.

LESHELE 89:39

No ye O qeu sasü puloshoqhi shikeu phevae; Nono pa küka kütsüqho ayeghimkhu lono kitiqeve tsüae.

AHOLE 14:34

Achipiu mikucho no shiye süqhe cheni ikemu timi khuno khuno laumu axine no akukujopu süghi cheni.

AHOLE 27:24

kughengu kinikülü ye alholo achemo nani, imaye aküka kütsükuqho ghi tiqheli tiqheli pekishe cheni keshea?

ISAIAH 3:8

Kughengu Jerusalem ye küpxavae, eno Judah ye ikiqivae, kughengu panongu no Ampeu gihumo no pi-shi keu kümtsü lo Pa mjochile chenie.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

JEREMIYA 2:17

Pa no alaghi lo o sawu kelo nono Ampeu o Lhou pheve keu lono hipaqo o shou süghi anike kumo keshea?

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

JEREMIYA 4:18

O laghiqo eno o kümlaqo no o shou hipau süghivae. Hi no o ghimepu tsala, hi ye khumtsai o mlo kutolo ilo chuxutsü ani.

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

AKUMLO 1:18

“Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

AKUMLO 1:20

“O Ampeu, I no iju akeu jutsülo; I po no minhe anie; I mlo no ipopinyi ani, kughengu I no shishe hebideve ke. Alaghila lo azütakikihi no amlo shikughuju tsü ani; aki lono akithi likhi anie.

AKUMLO 1:8

Jerusalem no zaghishi axine shive, tighenguno li ye niqhinilaivae; li gihu chekemi kümtsü no li jukünatha ani, kughengu panongu no li phikümsa ithuluvae; li ampi no aghime ghügha igha eno li gi küsü luvae.

AKUMLO 2:1

Ampeu no kishi Pa mlokighide lono khüngküsü no Zion nga küzüluve kela! Pa no Israelmiw qhivütsünyi keu atsütsü lono ayeghi lo veqhive tsü; Pa mlokighide tsalani Pa ye Pa pukhu kinepu kümsü mlave.

AKUMLO 4:13

Hi ye liw tungkupmi xine eno achinemi kipimi ghenguno ke, panongu no li yeghi lono amikuchomi ji peleke.

EZEKEL 21:26

Ampeu Alhou no ishi piani: O kütsü küküzüphi ikhive eno aküka kütsükuqho xavelo. Kiu thimemu itehi aketoi move nani. Khikhiu no akuchuniu keno süqhelo, eno khikhiu no qhemghai keno sünheqhive lo.

MICAH 6:13

Tighenguno nongu ghüzave kepushi I no nongu heveke, no xine ghenguno nongu ye küghüküghaleive ke.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 3:11

Ni ye ke-i cheni. Nono kiu pe ani keno mtotoi pelulo, tishi aye khunomu o kütsükuqho süxa luvemo nani.

SAMUEL ATUGHIU 7:6

Ikehu panongu no Mizpah lo hekütsü no azü shophe eno tipau pesü Ampeu zülo leqhi no tipani kümvü eno tileno pi, “Ningu no Ampeu zülo axine shivae.” Eno Samuel no Mizpah lono Israelmi shou xaküthau shie.