AKUMLO 4:22 - Sumi Naga CL (Re-edited) Bible (BSI)

²² O Zion limi, o xine ghenguno aghime ye tavae; Pa ye haphe sawu kithemae, ikemu O Edom limi, Pa no o xine ghenguno ghime nani; Pa no o xineqo lhephetsü nani.

BAIBEL (BSI)

²² O Zionmiqo, nongu xine ghenguno ghime keuye tava, paye hinguno alauye nongu halepuwumoae. Ikemu Edommiqo, noxine ghenguno ghime nani; eno no xineqo lhephetsu nani.

AKUMLO 4:22 Iomraidhean Croise

LESHELE 137:7

O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

ISAIAH 40:2

Mükhano Jerusalem pütsalo, li ghime ye kishekhave no li kipimi peve tsüae, Ampeu no li xine jume küghüsü kini shino tsüve keu huno lukümkha shivae pi li vilo sheshulo.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 60:18

Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

JEREMIYA 32:40

I no panongu sasü lhokta puloshoqhi shinani, Ni ye panongu kivipu kümla shini keu lono tsüghüve monani. Panongu mlo lo I sümsani keu I no sütsü nani, ikehu panongu ye I launo tsüghüve monani.

JEREMIYA 33:7

I no Judah ngo Israel kinigha athoputho tsü nani, eno pano küxü atüghü lo toi shiqhe tsü nani.

JEREMIYA 33:8

Panongu no I shou axine shikeu kipimi kümtsü I no shikimtheve tsü nani, eno I hekibide kipimi xine kümtsü qhivetsü nani.

JEREMIYA 49:10

Ikemu I no Esau phimini xave tsüae; pa küghütshü-a lhave tsüae, ikehu pa ye itshü mlavae. Pa tianuli, pa thiküzümi, eno pa kisüghümi ye kütsalevae, eno pa ghi püghavae.

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

AKUMLO 4:21

O Edom limi, khuu Uz yeghi lo ani keno; alovi eno amloqilo; ikemu o lau ghi ajukhu ighi nani; no ye shomzüve no o phikümsa shive nanie.

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

EZEKEL 37:28

Kughou panoqo gholo I kimthe-a alholo auveni keno, tileno shiyeqo no Ni ye Ampeu, Israel shikimthe kütsüu kepi ithi nani.”

EZEKEL 6:12

Timi khuu no putou ani keno püsa lono thive nani, khuu no aphivilo ani keno azütakikihi lono ikiqive nani, eno khuu ghülu no xüluni keno püqümiye lono thive nani. I no hitoi panoqo shou I loghu puku nani.

Obadiah 1:10

O thiküzüu Jacob shou kütsakungo ke ghenguno, akukujo no o küzüluve nani, eno pülhapuju ghenguno o sasü ayigheve nani.

MALAKI 1:3

eno Esau ye I no mithi ke. I no pa toghi ghüna kütsave tsü eno pa mheghi pesü asayeli lo atineqo sala qhivetsüe.”

MALAKI 1:4

Tsala Edom no, “Ningu ye kütsalevae ikemu ningu no tipaqo shiqhe kitheni,” ipi aye, aqokitikhi Mpeu no, “Panongu no shiqhe anamu I no xaleqhive tsü nani, panongu pesü ‘küsakügha ghakhu,’ eno ‘pülhapuju Ampeu mlokighide ye timi hipaqo shou ani,’ ipi nani.”