AKUMLO 2:9 - Sumi Naga CL (Re-edited) Bible (BSI)

⁹ Li khagho ye ayeghi lo ilovae; Pa no li khaduqo hechhevae; li kükau ngo sakiphemi ye shiye gholo ani, ayezah ye kühavae, eno liw tungkupmi no Ampeu launo kungunhetsü ithumlavae.

BAIBEL (BSI)

⁹ Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

AKUMLO 2:9 Iomraidhean Croise

KUKAMI AKINIU 25:7

Panongu no Zedekiah nhethe lono pa nuli pithive tsü; eno Zedekiah nhethi chixejove tsüno ayikichhe no pa tshüpe Babylon lo sawuve.

YEKIKITHI AKINIU 15:3

Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

NEHEMIA 1:3

Panongu no I vilo pi, “Hakiphi sawuve keu lono xülu no aghakhu lo ideighi keqo ye shishe aghime eno akukujopu shi ani. Jerusalem kupuwu ye kütsavae eno paw khaghoqo ye ami no pitivae.”

LESHELE 74:9

Ningu ye ni michipu ithumlavae; tungkupmi lakhimu kühavae, khitohi tishi nani keno khunomu mthae.

ISAIAH 24:12

Aphughi lo küghüküghalei keu likhivae; khaghoqo no ipovae.

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 23:16

Aqokitikhi MPEU no ishi piani: “Tungkupmi no adou lajupu tungkuptsa pesü nongu shepichhi keu ini kevilo. Panongu ye Ampeu launo kumono pano kükümsü lono ipeghi keu kungunhetsü tsa piani.

JEREMIYA 39:2

Zedekiah yepe mpe chighiaqhaqhiu, aqhi abidiu atsala atokuu shiake lono aliwo hepho iloghive.

JEREMIYA 39:8

Chaldeami no akükau ki eno timiqo ki pitive tsü, eno Jerusalem tupikiye ghi hepholeve tsü.

JEREMIYA 51:30

Babylon ghüshimi ye aghü shimono ngovae; panongu ye pano liwo lo ani; pano küka ye hauvae; panongu ye totimi ilhouvae; pano phughi ye ami no piti ani; pano khaduqo ye kubolevae.

JEREMIYA 52:14

Chaldea ghüshimi khunoqo kepten gholo chekeno, panongu no Jerusalem liwo kümtsü hephove tsü.

AKUMLO 1:3

Akaghashi mlape eno pishipuju keu ghenguno Judah ye hakiphi sawuvae; itehi li ye shiyeqo dolo xü ani, eno akulhokiqhi-a ithulu amoe; li no aghime kitikhi shiake lono li hache kemi no li botha luvae.

AKUMLO 4:15

Timiqo no igha pi, “Chevelo! Mithekumo! Chevelo! Chevelo! Bu kevilo!” Ikehu panongu ye itshüuve eno kupokichemi shive; shiye dolo timiqo no pi, “Panongu ye ni gholo xülu moae.”

AKUMLO 4:20

Ni küxü tuthu, AMPEUw kishekiphe kükau, khuu lau nino, “Pa kicheqho lono nino shiyeqo gholo xünani” ipiche keno pa ye küghaluvae.

EZEKEL 12:13

Eno I no pa shou I khame vepuku nani, I lichhe lo pa kitime luve nani. Chaldeami yeghi Babylon lo I no pa saighive nani, ikemu pa ye ti ithulumo nani eno pa ye tilau no thive nani.

EZEKEL 17:20

I no pa shou I khame vepuku nani, eno pa ye I lichhe lo kitime luve nani, I no pa sasü Babylon lo ighive nani eno pa no I pishiqhi keu ghenguno tilau no I no pa sasü küghatha nani.

EZEKEL 7:26

Kütsakungo keu shelo kütsakungo keu ighi; alatsa veküpha keu shelo alatsa veküpha. Panongu no tungkupu launo kungunhetsü phuju nani; achinemi launo ayezah eno layemi launo akükütsü pühave nani.

HOSIYA 11:6

Azütakikihi no pano mishighüna jole nani, pano khagho lo aküptasüqo kuboleve tsü nani, eno panow lapiyemi ghenguno pano kütsave nani.

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

AMUS 1:5

I no Damascus khagho khadu kubove tsü nani, eno Aven Khila lono xüküami ikhive nani, Beth-eden lo kükaküsü pe akeu eno Syriami ye Kir lo haphe sawuve nani,” ipi Ampeu no piani.

ZAKINIU 28:36

“Ampeu no nongu eno no puasüqo no mthakeu ghakhu lo nongu eno no kükau hapuwuve nani. Tilauno nongu no asüatu lhouqo qeuve nani.

ZAKINIU 28:63

Ampeu no amlo kiqishi nongu lau akivi mla eno ikowolu peke toi itaghi Pa no amlo kiqishi nongu kütsave nani. Nongu no ngoniye akeu yeghi lono nongu nhüjove nani.

SAMUEL ATUGHIU 28:6

Kughou Saul no Ampeu lau ighiju keno, Ampeu ye asamou nomu, Urim momu tungkupu vecheo nomu pa khochile move.